Xeral
Un estudo afirma que os falantes bilingües poden prever o idioma no que falará o seu interlocutor vendo a súa cara
O estudo, realizado polo centro de investigación vasco Basque Center on Cognition, Brain and Language (BCBL), chega á conclusión de que os falantes bilingües activan no seu cerebro o idioma adecuado antes de recibir sinal lingüístico ningún.
Fonte: Heraldo
O Congreso rexeita que o coñecemento das linguas cooficiais sexa un requisito para os profesionais da Xustiza
O Congreso dos Deputados rexeitou que o coñecemento das linguas cooficiais sexa un requisito para os maxistrados, os xuíces e os fiscais da Administración de Xustiza que exercen a súa profesión en Galicia, Cataluña, País Vasco, illas Baleares e Comunidade Valenciana.
Fonte: Generalitat de Catalunya
As direccións xerais de Política Lingüística de Cataluña, Baleares e Comunidade Valenciana unen forzas para promover o catalán
A direccións xerais de Política Lingüística destes territorios reuníronse para debater as formas de traballar conxuntamente para poder impulsar o catalán.
Fonte: Generalitat de Catalunya
Un informe alerta sobre o descenso no uso do catalán na universidade
Segundo un estudo, a utilización do catalán foi diminuíndo nas universidades dos territorios nos que se fala esta lingua.
Fonte: El Nacional
Un proxecto da Fundación Lilly promove o español como lingua para a divulgación científica
A iniciativa 'MEDES-MEDicina en Español', que recibiu o recoñecemento da RAE, ten como obxectivo promover o uso do español como lingua para a divulgación científica, especialmente no ámbito da saúde.
Fonte: EcoDiario
Propoñen a creación dunha comisión conxunta para coordinar as políticas lingüísticas en Euskadi, Navarra e País Vasco francés
EH Bildu propuxo a creación dunha comisión conxunta entre diversas institucións de Navarra, Euskadi e País Vasco francés para a coordinación e o fomento de políticas lingüísticas que impulsen a normalización do éuscaro.
Fonte: Diario de Navarra
O Senado reclama que o Instituto Cervantes se encargue de todas as linguas oficiais de España
O ministro de Educación, Cultura e Deporte explicou que o Instituto Cervantes debe ocuparse de todas as linguas oficiais, ante a reclamación dun senador que pediu que esta institución atendese a realidade plurilingüe do Estado español.
Fonte: El Español
O Goberno español aprobou en 2015 un total de 101 regulacións que priorizaban o castelán
Segundo un informe, durante o período de tempo que estivo en funcións, o Goberno español aprobou 52 medidas que establecían a lingua española como requisito obrigatorio en trámites e xestións da cidadanía en ámbitos como a documentación, o dereito de información, o ensino, a etiquetaxe, a solicitude de bolsas etc.
Fonte: La Vanguardia
A Fundación do Español Urxente escolle "populismo" como palabra do ano 2016
O equipo da Fundación do Español Urxente seleccionou este ano "populismo", unha palabra orixinalmente neutra que se foi enchendo de connotacións ata converterse nunha arma no debate político.
Fonte: Fundéu
Un proxecto busca o desenvolvemento da cooperación transfronteiriza e a transferencia de coñecemento en tecnoloxías da lingua
Forman parte do proxecto Linguatec organizacións vinculadas ao aragonés, o éuscaro e o occitano, como linguas pirenaicas, así como o catalán, o castelán e o francés, que se unen para desenvolver novas tecnoloxías relacionadas coa lingua e o turismo.
Fonte: AraInfo
Boletín
Subscríbase ao boletín