O Pleno do Congreso debaterá e votará a iniciativa lexislativa popular ‘Televisión sen fronteiras’, que pretende que as cadeas autonómicas se poidan ver nas comunidades onde se comparta a mesma lingua.

Fonte: Europa Press

O Congreso non tramitará a Lei de televisión sen fronteiras, que busca facer posible ver distintas canles autonómicas nas comunidades autónomas que comparten lingua.

Fonte: ABC

Google, a Universidade de Alcalá e Madrid Network Plataforma do Español convocaron o I Concurso de Blogs para fomentar o ensino e difusión do español na rede, onde tan só o 8 por cento dos contidos falan este idioma fronte ao 80 por cento que o fan en inglés.

Fonte: La Vanguardia

A Confederación Estatal de Persoas Xordas (CNSE) pediulle a RTVE que incorpore a lingua de signos ás súas emisións televisivas e cualificou de positivo, aínda que insuficiente, que a entrevista a Rubalcaba incorporase a interpretación só na web.

Fonte: Diario Vasco

O futuro da lingua española “xógase en internet”. Con esta convicción, a Fundación do Español Urxente (Fundéu), asesorada pola Real Academia Española (RAE), publicou un manual con numerosas recomendacións para escribir correctamente na rede e aproveitar todas as súas posibilidades.

Fonte: 20 Minutos

España é o país europeo no que antes se inicia o estudo dunha lingua estranxeira. Polo menos, en 10 das 17 comunidades onde o estudo doutro idioma se inicia aos tres anos, ao pisar a escola –algo que só sucede na comunidade xermanófona de Bélxica.

Fonte: El Mundo

O galego, o éuscaro e o catalán son algunhas das linguas minoritarias europeas que están en risco de "extinción dixital" polo pouco apoio que teñen nas novas tecnoloxías, segundo conclúe un estudo da Universidade Politécnica de Cataluña (UPC) e a Universidade Pompeu Fabra (UPF).

Fonte: El Correo Gallego

O PP, o PSOE, a Esquerda Plural e os partidos de ámbito territorial rexeitaron no Pleno do Congreso tomar en consideración unha proposición de lei de UPyD que avogaba por previr e erradicar a discriminación lingüística que, na súa opinión, existe en comunidades con linguas cooficiais.

Fonte: Europa Press

Por primeira vez, un estudo describe de maneira minuciosa todos os aspectos constitucionais e legais relacionados en España coa protección da lingua de signos.

Fonte: El Economista

A Confederación Estatal de Persoas Xordas felicitou a Canal Sur 2 pola súa aposta por unha televisión plenamente accesible para as persoas xordas. A cadea incluíu subtitulado e lingua de signos española en toda a súa programación, o que a converte na primeira televisión de España cen por cen accesible para este colectivo.

Fonte: Fórmula TV