Xeral
Piden no Senado "TV sen fronteiras" para o catalán, o galego e o vasco
O presidente de Acción Cultural do País Valenciano (ACPV), Eliseu Climent, pediulle ao Estado que aplique a Carta Europea das Linguas que permite a interconexión entre radios e televisións públicas que se expresan en catalán, galego e vasco.
Fonte: Galicia Hoxe
O Centro de Normalización da Lingua de Signos Española inicia a súa actividade
O Centro de Normalización Lingüística ten como finalidade investigar, fomentar e difundir a lingua de signos española, así coma velar polo bo uso desta.
Fonte: Diario Siglo XXI
Pen Catalán presenta unha nova Declaración dos Dereitos Lingüísticos
A presentación do documento coincide coa aprobación hai quince anos en Barcelona da Declaración Universal de Dereitos Lingüísticos, asinada por 41 centros Pen, 66 ONG e 41 expertos de todo o mundo, que partiron do principio de que “os dereitos lingüísticos son, à vez, individuais e colectivos”.
Fonte: ABC
O Goberno español aproba un programa para favorecer as emisións televisivas na súa lingua orixinal
O Goberno aprobou o pasado 23 de marzo o Programa Integral de Aprendizaxe de Lingua Estranxeira 2010-2020 cunha dotación económica de 119 millóns de euros que prevé “favorecer a emisión de programas e películas no seu idioma orixinal nos medios de comunicación”.
Fonte: Público
O Senado dá o seu visto e prace ao cambio de nome das provincias vascas
O Senado deu o visto e prace definitivo ao cambio de nome das tres provincias vascas, que unha vez que a modificación sexa publicada no BOE pasarán a chamarse oficialmente Araba/Álava, Gipukcoa e Bizkaia.
Fonte: Europa Press
Radiotelevisión Española e o Instituto Cervantes asinan un convenio para difundir a lingua e a cultura españolas
Radiotelevisión Española (RTVE) e o Instituto Cervantes asinaron un convenio para promover e difundir a lingua e a cultura españolas. En virtude deste convenio ambas as partes comprométense a impulsar a creación de programas e o intercambio de información.
Fonte: RTVE
Persoas xordas esixen información accesible en lingua de signos en determinados procesos sanitarios
A Confederación Estatal de Persoas Xordas esixiu información accesible en servizos sanitarios tales como os referidos á saúde reprodutiva e aos procesos de cambio de sexo, onde a lingua de signos e os apoios á comunicación oral, din, están ausentes.
Fonte: Diario Siglo XXI
O Congreso apoia que o catalán sexa lingua vehicular en Baleares e Valencia
O Congreso aprobou unha proposta de resolución presentada por ERC na que se instaba o Goberno a garantir que o catalán será a lingua vehicular no ensino na Comunidade Valenciana e en Baleares.
Fonte: El Mundo
O Campus de Las Llamas inaugura esta semana a V edición do Máster ELE
O Campus de Las Llamas da Universidade Internacional Menéndez Pelayo (UIMP) inaugurará a quinta edición do “Máster Universitario en Ensino do Español como Lingua Estranxeira".
Fonte: 20 minutos
A web Rede contra a Violencia de Xénero ofrece información en lingua de signos
A información dispoñible, que se pode consultar no enderezo "www.rednoviolenciagex.com", está estruturada en varios bloques que dan resposta ás dúbidas máis frecuentes sobre a denuncia, a orde de protección e os recursos dispoñibles.
Fonte: ABC
Boletín
Subscríbase ao boletín
