Xeral
O Senado pide fomentar a versión orixinal e as linguas cooficiais no cine
O Senado acordou, coa única oposición do PP, apoiar unha moción presentada polo PSOE na que se insta o Goberno a tomar medidas para garantir o dereito dos cidadáns a acceder aos contidos cinematográficos e audiovisuais no idioma que prefiran.
Fonte: El País
O dominio de idiomas permite acceder a un 27,55 % máis de ofertas de emprego
O dominio de idiomas permite acceder a un 27,55 % máis de ofertas de emprego. O máis solicitado polas empresas é o inglés (72 %), aínda que rebaixou a súa posición dominante a favor do francés, que xa o requiren para un 8,5 % dos postos de traballo.
Fonte: Ideal
Os directores das Academias da Lingua Española reúnense en Burgos
Os directores das vintedúas Academias da Lingua Española de España, América e Filipinas celebrarán unha reunión plenaria do 19 ao 22 de xullo cuxas sesións se realizarán en Madrid e Burgos, co propósito de estudar a situación dos proxectos lingüísticos comúns, propor novas iniciativas e elaborar conxuntamente o plan de acción dos próximos anos.
Fonte: ABC
A Real Academia Española crea unha unidade para canalizar as críticas sobre o Dicionario
A Real Academia Española creou unha unidade para canalizar as críticas e propostas relacionadas co Dicionario, que serán estudadas de inmediato e incorporadas á edición dixital, se se consideran adecuadas.
Fonte: La Voz de Galicia
Enxeñeiros da Universidade Politécnica de Madrid presentan un dicionario informático en lingua de signos
Este dicionario técnico traduce ao redor de 700 termos informáticos á lingua de signos española.
Fonte: La Vanguardia
Os políticos españois suspenden en idiomas e novas tecnoloxías
Os líderes dos grandes partidos non teñen coñecementos de inglés nin francés, nin utilizan as redes sociais para estar en contacto directo cos cidadáns.
Fonte: Diario de Sevilla
O Congreso debate unha iniciativa para que as canles autonómicas se vexan noutras comunidades coa mesma lingua
O Pleno do Congreso debate a toma en consideración dunha iniciativa cidadá que pretende que as canles de televisión autonómicas se poidan ver nas comunidades onde se comparta a mesma lingua.
Fonte: Diario Siglo XXI
O Congreso dos Deputados apoia o modelo lingüístico de Cataluña
O Congreso dos Deputados emitiu unha mensaxe de apoio ao modelo lingüístico de Cataluña, contido nunha iniciativa de ERC que contou co apoio de todos os grupos parlamentarios excepto o PP.
Fonte: RTVE
Os bebés distinguen antes o francés do inglés que o castelán do catalán
Os bebés acabados de nacer son capaces de distinguir algúns pares de idiomas coma o inglés e o francés ou o xaponés e o inglés, mentres que no caso do catalán e o castelán non é ata os catro meses cando comezan a diferenciar as dúas linguas.
Fonte: ABC
Internet ofrece cada vez máis marxe para a promoción da lingua española
As novas tecnoloxías, especialmente internet, ofrecen cada vez unha maior marxe de aproveitamento para a promoción da lingua española como un importante recurso económico a través do seu ensino para alumnos estranxeiros.
Fonte: ABC
Boletín
Subscríbase ao boletín
