España
O proxecto Harixa establece as súas futuras liñas de traballo na normalización do uso do éuscaro no ámbito laboral
Na última reunión de traballo deste proxecto fixáronse as liñas de traballo para o futuro, entre as que destaca a visita a empresas para presentarlles a iniciativa, de cara a realizar un diagnóstico da situación lingüística de cada unha e adquirir novos compromisos.
Fonte: Diario Vasco
Dúas convocatorias de axudas fomentarán o uso do catalán en empresas e entidades mallorquinas
A Dirección Insular de Política Lingüística publicou dúas convocatorias de axudas para impulsar o uso do catalán, unha para empresas e outra para entidades, destinadas a etiquetaxe, materiais impresos, rótulos, cartas de restaurantes, páxinas web, aplicacións móbiles, códigos QR etc.
Fonte: La Vanguardia
Concellos e asesorías da comarca de Lea-Artibai animan a cidadanía a realizar a declaración da renda en éuscaro
Preténdese así animar a cidadanía a relacionarse coa Administración en éuscaro, xa que, malia que nos últimos anos se incrementou o número de persoas que fan a declaración da renda nesta lingua, existe marxe de mellora tendo en conta a realidade sociolingüística da comarca.
Fonte: Diario Vasco
O Concello de Vitoria-Gasteiz convoca subvencións para proxectos de promoción do uso do éuscaro
A Xunta de Goberno Local aprobou destinar 96 000 euros á convocatoria de axudas para proxectos de promoción do éuscaro en ámbitos como o lecer, o deporte e os medios de comunicación locais.
A radiotelevisión IB3 aplicaralle un desconto á publicidade en catalán
IB3, a radiotelevisión autonómica das Illas Baleares, cobrará máis barata a publicidade que se faga en catalán, unha iniciativa que ten como obxectivo impulsar a realización de anuncios nesta lingua, principalmente, os destinados ao público máis novo.
Fonte: Diario de Mallorca
Os sindicatos demandan unha solución para o persoal interino da Administración vasca que non acreditou o perfil lingüístico esixido
A consolidación de persoal interino, que ten como obxectivo reducir a temporalidade na Administración vasca (que alcanza o 40 %), deixou ao descuberto a realidade dalgúns traballadores e traballadoras que non poden acreditar o perfil lingüístico esixido para o seu posto.
Fonte: Cadena SER
Finaliza en Donostia a 22 edición da Korrika, a carreira a favor do éuscaro
A cidade de Donostia-San Sebastián acolleu o final da Korrika, a carreira a prol do éuscaro que chegou á cidade vasca tras percorrer 2500 quilómetros por diferentes puntos de toda Euskal Herria.
Fonte: SER
A maioría da poboación catalá prefire a dobraxe de películas ou series
Unha enquisa do Centro de Estudos de Opinión mostra que, entre a dobraxe ao catalán ou ao castelán e o subtitulado en catalán ou castelán, un 62 % da poboación de Cataluña prefire a dobraxe de películas ou series.
Fonte: La Vanguardia
Inditex e a RAE colaborarán na creación do dicionario histórico do castelán
Coa sinatura do convenio de colaboración para redactar o Diccionario histórico de la lengua española (DHLE), comeza unha nova etapa deste proxecto que contará co traballo de investigación de expertos na historia da lingua.
Fonte: Galicia Confidencial
As Tanxugueiras reciben a distinción de Embaixadoras da Lingua Asturiana
A organización Iniciativa pol Asturianu entregoulles en Mieres ás Tanxugueiras a distinción de Embaixadoras da Lingua Asturiana. O trío galego, ademais, mostrou o seu apoio á oficialidade durante a celebración dun concerto.
Fonte: Asturies.com
Boletín
Subscríbase ao boletín
