España
Comeza unha nova edición de Mintzalaguna, unha iniciativa que reúne persoas que falan éuscaro con outras que queren aprendelo
En outubro comezan os novos grupos de Mintzalaguna, unha iniciativa mediante a que persoas que falan éuscaro se xuntan con outras que queren falalo, para o que se crean pequenos grupos de conversa que se reúnen unha hora á semana.
Fonte: Gasteiz Hoy
A Facultade de Formación do Profesorado e de Educación acolle a primeira proba de certificación de lingua asturiana de nivel intermedio
Un total de 800 persoas solicitaron a súa participación na primeira proba de certificación de lingua asturiana de nivel intermedio (B2), para a que se establecera un máximo de 500 prazas.
Fonte: La Nueva España
O Concello de Pamplona abre a convocatoria municipal de axudas a proxectos de promoción do éuscaro
O Concello de Pamplona convoca subvencións para a realización de proxectos de promoción do éuscaro, unha convocatoria á que destinará 72 000 e que está dirixida a entidades e asociacións sen ánimo de lucro.
Fonte: Diario de Navarra
O Concello de Bilbao e a Real Academia da Lingua Vasca renovan o seu convenio de colaboración anual
O Concello de Bilbao e a Real Academia da Lingua Vasca-Euskaltzaintza renovaron o convenio anual que manteñen desde 2008 polo cal ambas as institucións colaboran no desenvolvemento e a socialización do éuscaro na cidade, así como na organización de actos culturais. Ao abeiro deste convenio, Euskaltzaindia recibe unha subvención de 35 500 euros e presta asesoramento lingüístico aos diferentes servizos municipais.
Fonte: Deia
A Deputación de Áraba pon en marcha un programa de asesoramento en éuscaro dirixido ás empresas
A Deputación de Áraba, en colaboración co Goberno vasco e o Concello de Vitoria, porá en marcha, no marco do programa Lanabes de impulso do uso do éuscaro no ámbito empresarial arabés, dous novos proxectos: unha comunidade de prácticas nesta lingua e un servizo de asesoramento lingüístico para as empresas.
Fonte: El Correo
O proxecto Lingua e prensa da Universidade de Málaga permite acceder a unha hemeroteca lingüística virtual con máis de 22 000 novas
O proxecto Lingua e prensa, impulsado pola Universidade de Málaga en 2008 para recompilar noticias xornalísticas sobre as linguas de España, permite na actualidade acceder a unha hemeroteca lingüística virtual que conta con máis de 22 000 novas etiquetadas procedentes de diferentes medios de comunicación.
Fonte: Consello da Cultura Galega
A Deputación de Valencia presenta unha nova campaña de promoción lingüística
A creación do vídeo ‘La terra del foc’ servirá para dar a coñecer o vocabulario da pirotecnia. Trátase dun produto audiovisual que está pensado para difundir a través das redes sociais e a mensaxería instantánea.
Fonte: El Periòdic
Vila-real prepara unha programación especial en defensa do valenciano para o 9 de outubro
A Concellería de Normalización Lingüística está a organizar unha programación especial para o 9 de outubro, data na que tamén se conmemora o 25º aniversario deste departamento. Entre as actividades previstas figuran a entrega dos XXIII Premios Maig-Memorial Pasqual Batalla, o Correllengua, música en valenciano etc.
Fonte: El Periòdic
O Concello de Bilbao organiza un programa de éuscaro destinado a comerciantes
O Concello de Bilbao presentou unha nova edición de Biribilko, un programa que ten como obxectivo impulsar a normalización e o uso do éuscaro nos establecementos comerciais da cidade.
Fonte: Deia
O Consello Escolar de Euskadi pide unha reflexión profunda sobre o modelo D polo baixo nivel de éuscaro que alcanza o alumnado
O baixo nivel de éuscaro do alumnado inscrito no modelo D ao finalizar a educación obrigatoria levou ao Consello Escolar de Euskadi a solicitar unha reflexión profunda sobre o ensino nesta modalidade que, ademais, é a maioritaria.
Fonte: Deia
Boletín
Subscríbase ao boletín
