Este censo reúne entidades que fomentan o catalán con actividades que incrementan o coñecemento e o uso desta lingua entre a poboación en xeral e entre colectivos concretos.

Fonte: Generalitat de Cataluña

A Academia Valenciana da Lingua puxo en marcha unha campaña de divulgación para difundir o Dicionario normativo valenciano, unha ferramenta que xa conseguiu 35 millóns de consultas na súa edición dixital dende que se publicou en febreiro do 2014.

Fonte: Valencia Extra

Esta revista, impulsada por Rosella Espinós, estudante de cuarto curso de Xornalismo na Universidade de Valencia, converteuse nun punto de encontro e de referencia para todos os youtubers que fan os seus contidos en valenciano.

Fonte: La Vanguardia

Co gallo do seu centenario, Euskaltzaindia organiza un congreso co lema “Coidar as linguas minorizadas, vivir en éuscaro - XXIII Xornada Jagon”, que se celebra en Pamplona os días 17 e 18 de xaneiro e que reúne 21 especialistas.

Fonte: EITB

A Real Academia da Lingua Vasca incluíu 585 novidades na última edición do seu dicionario, de maneira que este reúne agora 46 180 formas. Esta institución revisa o dicionario continuamente e engade cada seis meses as modificacións á versión dixital.

Fonte: Noticias de Gipuzkoa

O novo servizo de noticias para as illas Baleares ofrecerá a actualidade diaria das illas en catalán e tratará todo tipo de temas. A difusión realizarase a través dunha páxina web específica e potenciarase mediante un perfil propio en Twitter.

Fonte: Mallorca Diario

A Plataforma per la Llengua anima a poboación de Cataluña a que participe nunha enquisa posta en marcha por Netflix para coñecer as preferencias lingüísticas das persoas usuarias. O obxectivo é que a empresa avance na normalización do uso do catalán.

Fonte: El Nacional

O sindicato ELA solicitoulles ás subdelegacións do Goberno en Euskadi que posibiliten a aprendizaxe do éuscaro mediante formación presencial ao persoal dependente da Administración Xeral do Estado xa que, actualmente, só se imparte en liña.

Fonte: Finanzas

Co gallo do 60 aniversario do centro de produción en Cataluña, RTVE vai cuadriplicar as horas de emisión en catalán desde o centro territorial de Barcelona. A intención é pasar das actuais 20 horas semanais a unhas 80 ao finalizar 2020, unha nova programación que se emitiría principalmente en La2.

Fonte: El Mundo

A Viquipèdia (Wikipedia en valenciano) superou os 600 000 artigos, unha cifra que a converte na 20ª en número de artigos. Ademais, en canto á súa calidade, sitúase entre as tres primeiras, xunto coas versións rusa e serbia. 

Fonte: La Vanguardia