A Universidade de Alcalá de Henares (UAH) levou a cabo un proxecto de documentación lingüística denominado 'Fronteira hispano-portuguesa: documentación lingüística e bibliográfica (Frontespo)' co obxectivo de estudar as particularidades lingüísticas da franxa fronteiriza entre ambos os países a través da análise dun total de 64 puntos dun e outro lado.

Fonte: Galicia Confidencial

O Trivial en éuscaro ten como obxectivo impulsar o emprego desta lingua entre a xente nova de entre 12 e 17 anos. Trátase dun xogo interactivo de preguntas e respostas, sobre varios municipios vascos e tamén sobre o resto do mundo.

Fonte: Deia

As bases deste concurso de nanorrelatos en éuscaro establecen que se debe enviar antes do 24 de febreiro unha historia, utilizando 200 caracteres, sobre un tema divertido e unha aventura inesperada.

Fonte: El Diario Vasco

Os datos do último informe Ekonometro conclúen que máis da metade dos economistas está de acordo con que as Administracións promovan o uso do éuscaro no ámbito empresarial, aínda que o 46 % é contrario a que esta lingua se converta nun requisito. Estes profesionais si avogan pola inclusión do fomento do éuscaro como unha iniciativa de responsabilidade social empresarial, unha idea que apoia o 44 %.   

Fonte: El Correo

Cinema en Valencià celebra unha nova edición nas instalacións da Universidade de Alacant cun programa que inclúe sete proxeccións familiares de cine en valenciano. A entrada é gratuíta e as prazas limitadas.

Fonte: Información

O Concello de Xàbia creou Valora’t, unha revista dixital en valenciano de carácter mensual coa que se pretende impulsar o uso do valenciano e dar a coñecer o vocabulario de diferentes áreas temáticas.  

Fonte: Xàbia al día

O concurso “I tu, jugues en català?”, organizado polo Consorcio para a Normalización Lingüística e que ten como obxectivo dinamizar o catalán no ámbito dos xogos e os xoguetes, entregou os premios da súa terceira edición.

Fonte: Generalitat de Catalunya

Tras o éxito conseguido na edición anterior, na que participaron arredor de 220 000 persoas, Euskaraldia, a iniciativa para o fomento do uso cotián do éuscaro, volverá celebrarse en outono de 2020, para, a partir de entón, ter un carácter bianual.

Fonte: Noticias de Gipuzkoa

AEK organiza unha nova edición da Korrika, a número 21, baixo o lema ‘Klika’. Trátase dunha carreira en favor do éuscaro, que percorre Navarra, o País Vasco e Iparralde, e que ten como finalidade concienciar sobre a protección desta lingua e conseguir fondos para os centros de aprendizaxe da entidade organizadora.

Fonte: Noticias de Navarra

A Comisión Especial para a elaboración dunha nova Lei foral do éuscaro aprobou un informe de conclusións no que se insta a revisar o status legal desta lingua en Navarra. En concreto, os grupos parlamentarios estudarán se acabar coa zonificación lingüística e estender a oficialidade do éuscaro a todo o territorio navarro.

Fonte: EITB