O concerto 'Una besada para la llengua' ten como obxectivo sensibilizar a cidadanía no emprego do catalán. Nel actuarán varios grupos, entre eles Brams, unha banda de rock que mostra nas súas letras o seu compromiso con esta lingua.

Fonte: 20 minutos

O Concello de Pamplona resolveu a convocatoria de subvencións para os proxectos de promoción do éuscaro de 2018. As axudas alcanzan os 83 000 euros e entregáronse a doce entidades e un total de 21 proxectos destinados á realización en Pamplona de actividades de fomento desta lingua.

Fonte: Diario de Navarra

O catalán é un dos idiomas escollidos por esta multinacional para os novos auriculares que funcionan coa aplicación de Google Assistant, xunto co inglés, o xaponés, o árabe, o finés, o cingalés, o armenio, o francés, o coreano, o eslovaco, o bengalí, o alemán, o letón, o español, o grego, o suahili, o chinés, o sueco, o islandés, o portugués ou o italiano, entre outros.

Fonte: Plataforma per la Llengua

O concelleiro de Normalización Lingüística reuniuse coa plataforma Castelló per la Llengua para presentarlle os plans da súa concellería para 2019, ano no que buscarán afianzar tres proxectos para promover o uso do valenciano: a publicación Club Millaret, unha campaña de dinamización lingüística no ámbito do comercio e un convenio con Escola Valenciana. 

Fonte: Levante

EH Bildu presentou no Parlamento vasco unha proposición de lei para garantir a gratuidade na aprendizaxe oficial de éuscaro ata un nivel de coñecemento equivalente ao B2 do marco común europeo de referencia para as linguas.

Fonte: El Diario.es

O avogado e ex-conselleiro Carles Mundó recibirá de mans do Consello da Avogacía Catalá o Premio Agustí Juandó i Royo, un galardón que recoñece o labor de entidades ou persoas a prol do uso do catalán no ámbito xurídico.

Fonte: La Vanguardia

O Instituto de Estudos Cataláns celebra o 19 de outubro en Barcelona a primeira Fes-te de la Llengua, coa finalidade de mostrar o carácter expresivo e lúdico do catalán. Esta primeira edición estará dedicada ao colectivo do profesorado que imparte esta lingua, así como aos estudantes de Filoloxía Catalá.

Fonte: Generalitat de Catalunya

O presidente da Academia da Lingua Asturiana reuniuse co tamén presidente do Intergrupo de Linguas Minoritarias do Parlamento Europeo para entregarlle un informe sobre a situación do asturiano, así como sobre a necesidade de que se converta en lingua oficial.

Fonte: El Comercio

O Instituto Vasco Etxepare levará ás Euskal Etxeak e ás universidades internacionais, do 23 de novembro ao 3 de decembro, a iniciativa de promoción do éuscaro "Euskaraldia: 11 egun euskaraz" coa axuda de persoas que actuarán como embaixadoras.

Fonte: Diario Vasco

A Generalitat de Cataluña e o Goberno de Andorra subscriben un convenio para recoñecer os certificados oficiais acreditativos de coñecementos de catalán co obxectivo de permitir a mobilidade de persoas no ámbito laboral e dos estudos e o acceso á Administración pública.

Fonte: La Vanguardia