España
O Goberno de Aragón celebra o I Concurso Antonio Artero de vídeo en lingua aragonesa
As bases deste concurso publicáronse no Boletín Oficial de Aragón. Nelas explícase que cada persoa poderá presentar ata cinco obras en versión orixinal e inédita, de tema libre e cunha duración máxima de cinco minutos.
Fonte: 20 minutos
O Museo Arqueolóxico de Asturias acolle unha exposición sobre a historia do asturiano
Baixo o título 'Voces. La llingua asturiana al traviés de los sieglos', o Museo Arqueolóxico de Asturias, situado en Oviedo, acollerá a partir do 26 de setembro unha exposición itinerante sobre a historia do asturiano desde as súas orixes.
Fonte: El Comercio
O Concello de San Sebastián ofrece cursos gratuítos de éuscaro para persoas desempregadas
Entre os días 3 e 21 de setembro as persoas desempregadas de San Sebastián poderán inscribirse nos cursos gratuítos de éuscaro organizados polo concello que comezarán a impartirse o 8 de outubro.
Fonte: La Vanguardia
Un de cada tres estudantes no País Vasco suspende a materia de éuscaro
Segundo o diagnóstico sobre a evolución do éuscaro en 2017, o nivel desta lingua entre o alumnado descendeu 10 puntos desde 2010, o que supón que suspende esta materia un de cada tres estudantes.
Fonte: El Correo
Piden que poida utilizarse o catalán na publicidade de Twitter
Unha iniciativa popular, posta en marcha a través da plataforma change.org, reclama que se poida empregar o catalán na publicidade de Twitter.
Fonte: Generalitat de Catalunya
Catro centros poderán usar o éuscaro no IX Torneo de Debate de Bacharelato que se organiza en Navarra
A Universidade Pública de Navarra e o Parlamento foral organizan o o IX Torneo de Debate de Bacharelato os días 26 e 27 de outubro no que, por primeira vez, ata catro centros poderán debater en éuscaro, fronte aos 16 que poderán facelo na modalidade en castelán.
Fonte: Navarra.com
A Deputación de Valencia organiza un curso sobre linguaxe inclusiva dirixido ao funcionariado
A Unidade de Normalización Lingüística ofrécelle ao funcionariado a posibilidade de participar nun curso no que se explicarán estratexias para mellorar os textos escritos a través dunha linguaxe inclusiva.
Fonte: La Vanguardia
Segundo unha enquisa, o 37 % da poboación da Comunidade Valenciana prefire falar en valenciano
Segundo unha enquisa, realizada pola Generalitat Valenciana en colaboración coa Universidade de Valencia, o 62 % da poboación prefire falar en castelán, fronte a un 37 % que se decanta polo valenciano.
Fonte: Les Muntanyes
Un 16,31% do profesorado interino non acreditou o nivel mínimo de valenciano
Segundo o sindicato UXT, baseándose en datos da Consellería de Educación, un 16,31 % do funcionariado interino carece de requisito lingüístico, o que significa que non acreditou o nivel mínimo de valenciano esixido para o seu posto.
Fonte: El Mundo
Canarias quere regular as particularidades do español que se fala no arquipélago
A reforma do Estatuto de Canarias reivindicará unha identidade colectiva, lingüística e cultural propia do arquipélago, de maneira que a Administración autonómica se encargaría de regular as particularidades do español que se fala nas illas e tería competencia exclusiva sobre o patrimonio cultural canario.
Fonte: Diario de Avisos
Boletín
Subscríbase ao boletín
