España
Catro espectáculos optarán ao II Premio “Nel Amaro” de teatro profesional en asturiano
Un total de nove espectáculos presentáronse ao II Premio “Nel Amaro”, dos cales se seleccionaron catro para a súa representación. Estes finalistas presentarán a súa obra ao longo do mes de novembro e, entre eles, escollerase ao gañador que recibirá 6000 euros.
Fonte: Cadena Ser
Unhas xornadas analizarán o uso do asturiano en diferentes ámbitos
A Universidade de Oviedo acollerá unhas xornadas, organizadas pola Academia da Lingua Asturiana, nas que se analizará o uso deste idioma en ámbitos como o cine ou a arte.
Fonte: La Nueva España
A lingua de signos española converterase en patrimonio cultural inmaterial
O Consello de Patrimonio Histórico do Ministerio de Cultura e Deporte informou de que a lingua de signos será patrimonio cultural inmaterial, unha distinción que implica que o estado se compromete a protexer esta lingua tal como expresa a Lei 10/2015.
Fonte: EcoDiario.es
O Parlamento foral de Navarra rexeita que o éuscaro sexa só oficial na zona vascófona
O Parlamento foral de Navarra desestima unha declaración institucional para que a Cámara estableza como lingua oficial en toda Navarra o castelán e que o éuscaro sexa oficial só na zona vascófona.
Fonte: Noticias de Navarra
O Tribunal Constitucional avala que o estado fixe un tratamento similar para o castelán e o éuscaro no ámbito educativo
O Tribunal Constitucional desestimou un conflito de competencias presentado polo Goberno vasco contra a LOMCE que consideraba que o Estado invadía competencias en materia educativa ao impoñer un "tratamento análogo" entre éuscaro e castelán na Educación Primaria
Fonte: Noticias de Gipuzkoa
O Instituto Nacional de Administración Pública impartirá un novo curso de linguas cooficiais para o funcionariado
O Instituto Nacional de Administración Pública convoca, por vez primeira, un curso que engloba todas as linguas cooficiais, isto é, galego, catalán, éuscaro e valenciano. Trátase dunha actividade formativa en liña dirixida ao funcionariado que se impartirá entre o 14 de xaneiro e o 13 de setembro de 2019.
Fonte: El Confidencial Autónomico
À Punt Mèdia e a Academia Valenciana da Lingua asinan un convenio para promover o valenciano
O convenio entre À Punt Mèdia e a Academia Valenciana da Lingua, que terá unha duración de catro anos, ten como obxectivo fomentar e difundir a lingua e a cultura valencianas.
Fonte: La Vanguardia
Kontseilua convoca unha manifestación para reivindicar a oficialidade do éuscaro en Navarra
A coalición Geroa Bai súmase á manifestación convocada por Kontseilua, coa que se pretende reivindicar a oficialidade do éuscaro en Navarra e a equiparación dos dereitos lingüísticos de toda a cidadanía.
Fonte: Diario de Navarra
O programa Euskaragiletu organiza actividades de apoio ás empresas en procesos de normalización do éuscaro
O programa Euskaragiletu, posto en marcha por Kontseilua, ten como obxectivo axudar as empresas interesadas en avanzar nos seus procesos de euscaldunización. Por este motivo, organiza novas actividades para as próximas semanas, en concreto, visitas a dúas empresas con ampla experiencia na normalización do éuscaro.
Fonte: SPRI
Un 86,1% da mocidade do Principado defende a oficialidade do asturiano
Segundo un estudo realizado polo Consello da Mocidade e a Academia da Lingua Asturiana, un 86,1% da xente nova apoiaría a oficialidade do asturiano, o que mostra unha mellora das actitudes cara a este idioma con respecto a investigacións anteriores.
Fonte: El Comercio
Boletín
Subscríbase ao boletín
