As catro linguas rexionais do Estado español, o galego, o éuscaro, o catalán e o valenciano estarán representadas no equipo de goberno de Pedro Sánchez. Polo menos un ministro ou ministra do novo executivo domina unha destas linguas ademáis do español e nalgúns casos do inglés.

Fonte: El Correo

A Universidade de Sevilla ofertará por primeira vez o Grao en Turismo na súa modalidade bilingüe inglés-español.

Fonte: 20 minutos

O alumnado que curse Tradución e Interpetación na Universidade Católica San Antonio de Murcia (UCAM) poderá obter, tras só un ano máis de formación, a titulación de Linguas Modernas.

Fonte: La Verdad

Varias salas de cinema de toda Cataluña estrearán o filme noruegués <em>Vaixells</em> dobrado ao catalán grazas ao apoio da Dirección Xeral de Política Lingüística do Departamento de Cultura da Generalitat de Cataluña.

Fonte: Generalitat de Catalunya

A RAG, representada polo seu presidente, Víctor Freixanes, participou en Bilbao na Constitución do Padroado de Honra do Centenario da Academia da Lingua Vasca ou Euskaltzaindia. Na súa intervención, o presidente da RAG avogou pola necesidade dun posicionamento común a prol da pluralidade lingüística do Estado español recoñecida constitucionalmente.

Fonte: RAG

En colaboración con outras universidades de fóra do Estado español, a Universidade de Salamanca presentou o portal web multilingüe FOCO co fin de buscar solucións aos problemas identificados no uso das novas tecnoloxías no ensino de linguas.

Fonte: Noticias Cyl

Un total de 214 asociacións e entidades de Cataluña están incluídas no Censo de entidades para o fomento da lingua catalá, un 8 % máis que o ano precedente.

Fonte: Generalitat de Catalunya

A Fundación CNSE para a Supresión das Barreiras de Comunicación puxo a disposición dos colexios unha páxina web en lingua de signos para poder facilitar ás persoas xordas o uso da ferramenta Google Docs.

Fonte: La Vanguardia

A Comisión de Neoloxismos da Real Academia Española (RAE) está avaliando a incorporación de novos termos no seu dicionario. Un dos novos vocábulos admitidos é a palabra “finde”.

Fonte: El País

Nace a revista <em>Archiletras</em> como un medio de comunicación en liña e impreso sobre a lingua española. Consistirá nun sitio web e dúas revistas en papel.

Fonte: El Diario