Con algo máis de 62.000 falantes, o galego aínda se conserva como o terceiro idioma do País Vasco despois do castelán e o éuscaro, e 13 centros galegos e dúas asociacións culturais promovidos por emigrantes manteñen viva a cultura das orixes.

Fonte: La Voz de Galicia

O pasado venres, 31 de outubro, un grupo de doce persoas da cidade galesa de Cymru foi recibido no Instituto Navarro del Vascuence, dependente do Departamento de Educación. Encabezou a representación Elin Haf Jones, directora do Instituto Mercator de Medios de Comunicación, Linguas e Cultura da Universidade Prifysgol Aberystwyth desa localidade británica.

Fonte: XornalGalicia.com

O acordo de goberno ente Izquierda Xunida-BpA-Los Verdes e a FSA-PSOE, podería incluír, segundo puido saberse estes días, cambios na política lingüística do Goberno asturiano. Dunha banda, co aumento en medio millón de euros do orzamento para o fomento da lingua asturiana e, doutra, con cambios na estrutura de goberno na área de política lingüística.

Fonte: Asturnews

O concelleiro responsable da área de Normalización Lingüística de Nules, José Vicente Adsuara, anunciou que o mes de novembro será "El mes del valencià", xa que a localidade acollerá varias exposicións vinculadas á figura de Xaime I, a cultura e as tradicións valencianas.

Fonte: El Periódico Mediterráneo

A Secretaría de Política Lingüística da Generalitat de Catalunya puxo en marcha o xogo en internet "Diverllengua", que a través de preguntas e respostas pon de manifesto a diversidade lingüística mundial. O xogo, ao que se pode acceder a través da web www.gencat.cat/llengua/diverllengua, está dirixido a mozos a partir de 13 anos e adultos, e consiste en contestar preguntas que teñen resposta múltiple. Tanto se se acerta coma se non, o ordenador dá unha explicación sobre a resposta correcta.

Fonte: La Vanguardia

A Universidade de Alacante será o único centro universitario de toda España que examinará o idioma oficial de lingua romanesa, grazas ao acordo asinado este ano co Instituto de Lingua Romanesa (ILR), segundo informou a institución académica.

Fonte: ABC

Os alumnos dos centros educativos Velázquez, Anselmo Pardo, Pintor Eduardo Morillas, Real e Reyes Católicos, participarán durante os meses de novembro e decembro no Programa de Inmersión Lingüística, en lingua inglesa, destinado para alumnos de sexto de Primaria na localidade Segoviana de La Granja.

Fonte: Diario Sur

Lonxe de aparcar o debate "castelán/mallorquín", o PP de Mallorca sitúao, xunto co orgullo de sentirse á vez "mallorquín e español", entre os principais eixes da súa intervención política, que se aprobará tras debaterse no X congreso do próximo día 29.

Fonte: Diario de Mallorca

Se as análises de audiencia preguntan "How are you?", Aprende Inglés TV ten ben aprendida a súa resposta: "Very well, thank you". A volta ao curso impulsou os seus resultados no mes de outubro ata unha audiencia acumulada de 1.442.000 espectadores. Cos datos sobre o papel, esta cifra coroa unha subida espectacular: a canle que ensina a lingua de Shakespeare dobra os seus resultados de setembro (cando 790.000 persoas pasaron polas súas clases) e cuadriplica os de agosto (373.000 espectadores).

Fonte: El Mundo

Joan Saura decidiu dar un salto cualitativo no recoñecemento dos dereitos lingüísticos dos habitantes do Principado e deseñou un plan para que a súa consellería, o departamento de Interior, Relacións Institucionais e Participación, aprenda a lingua e a cultura aranesas para atender adecuadamente os habitantes do val.

Fonte: Avui