A colaboración en materia de política lingüística entre os territorios ástures nos que está presente a lingua asturiana debe ter polo menos tres condicións. A primeira, que sexa «pedida» por un dos ámbitos territoriais como consecuencia dunha demanda. A segunda, que a colaboración non sexa vista como unha forma de presión na autonomía da política lingüística de cada comunidade autónoma ou Estado. E, en terceiro lugar, que se faga nun ámbito de respecto e acorde coas realidades lingüísticas concretas de cada territorio.

Fonte: La Nueva España

O Seminario de Filoloxía Asturiana, unha entidade composta por unha ducia de docentes, investigadores e doutorandos da Facultade de Filoloxía da Universidade de Oviedo, dará o seu «apoio sen reservas» á proposta do actual decano, José Antonio Martínez, de constitución dun «minor» de Asturiano no programa dos novos graos adaptados ao Espazo Europeo.

Fonte: La Nueva España

O Ministerio de Xustiza esixe ao Goberno vasco que retire o decreto de normalización lingüística na administración de Xustiza de Euskadi, aprobado en xullo deste ano, porque, do contrario, formularía un recurso contencioso-administrativo.

Fonte: Noticias de Gipuzkoa

A Acadèmia Valenciana de la Llengua (AVL) puxo de manifesto a necesidade de "afondar" na Lei de uso e ensino do valenciano, que permaneceu intacta durante estes 25 anos e que considerou que debería ser "actualizada, polo menos con normativas de rango inferior". Ademais, respecto ao 'Pacto polo valenciano. Acordos para a promoción do valenciano', subscrito polos grupos maioritarios das Cortes en 2001, lamentou o "escaso éxito" da súa aplicación, que se levou a cabo "debilmente e só no sector do ensino" e resulta "insatisfactoria", sentenciou.

Fonte: Panorama Actual

O Tribunal Supremo anulou o acordo plenario alcanzado en xuño de 2001 pola corporación municipal naveta polo que se aprobaba a oficialidade do asturiano. Así se lles comunicou a todos os grupos políticos desde o equipo de Goberno liderado polo socialista, Claudio Escobio, que evitou facer valoracións ao respecto.

Fonte: La Voz de Asturias

A posta en marcha do Espazo Europeo de Educación Superior (coñecido popularmente como Proceso de Boloña) obrigará os estudantes a posuír un nivel medio no manexo dalgunha lingua estranxeira, de xeito que se poñerá fin a unha das grandes lagoas do sistema universitario español.

Fonte: Diario de Sevilla

A sección cuarta da sala do contencioso-administrativo do Tribunal Supremo desestimou un recurso da Generalitat Valenciana, de xeito que lle permite á Universidade de Valencia utilizar a expresión 'lingua catalá' nos seus estatutos orgánicos, segundo consta nunha sentenza.

Fonte: El Mundo

A Universidade de Murcia desenvolverá por vez primeira este curso un proxecto de intervención de intérpretes de lingua de signos nas aulas universitarias para o alumnado con discapacidade auditiva, grazas a unha subvención de 20.000 euros que o Executivo rexional aprobou.

Fonte: ABC

O groso de competencias en promoción exterior da lingua catalá e cultura que se produce en Baleares repártese, diversifícase, polo que representantes das distintas institucións debuxaron un posible mapa que evitará solapamentos de políticas.

Fonte: Diario de Mallorca

A Xunta pola Defensa de la Llingua Asturiana cualificou o acordo de goberno entre PSOE e IX-Bloque por Asturies-Los Verdes como "decepcionante e continuador da política de marxinación lingüística levada a cabo ata o momento polo goberno do PSOE, política que vén sendo criticada sistematicamente pola Xunta como un plan para exterminar o asturiano a medio prazo".

Fonte: Asturnews