O pleno do Concello de Xixón aprobou de forma definitiva a Ordenanza municipal do uso do asturiano. Unha normativa municipal que declara que o asturiano e o castelán “son linguas propias” do Concello. A norma aprobouse cos votos a favor do PSOE e Izquierda Xunida-BpA-LV e a abstención do Partido Popular.

Fonte: Asturnews

A reforma lingüística proposta foi criticada para algúns por exceso de inmersión lingüística, para outros por defecto, dado que atrasa catro anos máis, de 12 a 16, a longa marcha ata a implantación dun sistema no que o éuscaro sexa a lingua vehicular no ámbito do ensino.

Fonte: Diario Vasco

O Síndic de Greuges, Carlos Morenilla, pediulle ao Concello de Alacante que nas súas mensaxes de publicidade institucional observe o réxime de cooficialidade lingüística instaurado na Comunidade Valenciana, sen que en ningún caso poida prevalecer unha lingua sobre outra.

Fonte: El País

Arredor do 20 % dos lectores de Baleares elixe habitualmente libros en catalán, fronte ao 80 % que le preferentemente en castelán, segundo se desprende dunha enquisa que elaborou a Consellería de Educación e Formación.

Fonte: El Mundo

O catalán non será cooficial na Franja de Ponent. O Goberno aragonés prepara unha lei de linguas que rebaixa moito as expectativas do anteproxecto do ano 2001 e que finalmente quedou gardado nun caixón. Aquel primeiro borrador si prevía a cooficialidade do catalán e o aragonés nos territorios onde se falan estas linguas e en convivencia co castelán. Esta última lingua será a única oficial, segundo o borrador que prepara o Goberno de Aragón.

Fonte: Avui

Hai só un ano da publicación da segunda edición do Diccionari de la llengua catalana do Institut d'Estudis Catalans. Esta actualizaba a primeira, de 1995, que á súa vez era unha revisión do Diccionari general de Pompeu Fabra (1932 e 1954). Pero esta secuencia histórica romperá. O Institut d'Estudis Catalans fixouse como proxecto elaborar un dicionario de nova planta, que actualice tanto o modelo de lingua coma a metodoloxía da obra.

Fonte: El Periódico

A Lei de medidas fiscais e financeiras, que acompaña os orzamentos do Goberno de Cataluña para 2009, achega a posibilidade de desgravar do IRPF as axudas que se fagan ao Institut d'Estudis Catalans (IEC) ou a outras entidades dedicadas ao fomento da lingua dese país.

Fonte: Vieiros

Un grupo de investigadores da Universidade de Alacante (UA) deseñou o primeiro Sistema de Escritura Alfabético (SEA) que pode aplicarse nun computador e que lles permite aos xordos traducir obras literarias e documentos á lingua de signos.
O director da Biblioteca Virtual de Signos da Miguel de Cervantes e profesor de lingua de signos, Ángel Herrero, explicou que ata agora se crearon sistemas de escritura icónicos, como o Sign Writting, que non permite procesalo nun computador, e indicou que o SEA consiste na definición dos signos mediante os símbolos alfabéticos. "O reto deste sistema de escritura é demostrar que a linguaxe de signos é unha lingua natural", segundo Herrero, quen destacou a importancia do proxecto en canto á súa aplicación no ámbito literario.

Fonte: Galicia Hoxe

O status do valenciano na educación mantén a tónica dos últimos anos: é alto en primaria e infantil e vai degradándose a medida que se ascende nos tramos educativos. Isto explicouno a Mesa pel Valencià, integrada por asociacións cívicas, institucións e sindicatos, ao repasar os incumprimentos da Lei de uso do valenciano 25 anos despois de aprobarse. O último chanzo, o da universidade, onde a demanda segue sendo maior cá oferta, ofrece varias lecturas.

Fonte: El País

Un grupo de estudantes volveu a pedir por segundo luns consecutivo un título de grao de lingua asturiana nas futuras ensinanzas de Filoloxía da Universidade de Oviedo.

Fonte: La Nueva España