O Departamento de Educación vasco non consegue dar saída ao proxecto de lei de reforma dos modelos lingüísticos. Con só tres meses para sacar adiante a principal medida deste mandato, o conselleiro modulou o seu discurso e avogou pola "tranquilidade", precisamente, cando menos tempo lle queda.

Fonte: El País

Ou minor (grao menor) de asturiano ou non hai alternativa. Iso parece desprenderse dos documentos que se barallan estes días na Facultade de Filoloxía da Universidade de Oviedo en torno á configuración dos novos graos.

Fonte: La Nueva España

O secretario de Política Lingüística da Generalitat de Catalunya, Bernat Joan, e o presidente da Fundación Occitanocatalana, Joan Amorós, presentaron o Diccionario básico occitano-catalán, glosario catalán-occitano dos autores Mar Bel, Carles Castellanos e Manel Zabala.

Fonte: Generalitat de Catalunya

A Asociación Colombia Unida en Baleares (Asocolombia) iniciou unha campaña de boicot aos produtos etiquetados en catalán e aos establecementos rotulados neste idioma a través dun envío masivo de correos electrónicos auspiciados polo presidente da entidade, José William Vega García, que chega a vincular a inmersión lingüística en catalán co consumo de drogas.

Fonte: Avui

Fomentar a comprensión e o uso da lingua catalá entre a numerosa poboación magrebí do municipio de Sa Pobla é o obxectivo do novo proxecto de acollida lingüística que levarán a cabo a partir deste mes o Consell de Mallorca e o Concello de Sa Pobla, un dos dous consistorios mallorquíns, xunto ao de Sant Llorenç des Cardassar, que exercerán de territorios piloto para poñer en práctica o proxecto.

Fonte: Diario de Mallorca

O PNV anunciou que presentará mocións nos concellos nos que goberna o PSE-EE para probar "a ausencia total de compromiso" deste partido co éuscaro. Con estas iniciativas, nas que pedirá "a implicación" dos consistorios na promoción e uso da lingua vasca, a formación nacionalista pretende reclamarlle ao PSE-EE que abandone "as postas en escena preelectorais e retire a maquillaxe política", para mostrar "a súa verdadeira cara en todo o relacionado" coa lingua vasca.

Fonte: Europa Press

O 25,75% dos alumnos que actualmente están matriculados na Universidade Pública de Navarra asegura ter un nivel bo ou moi bo de éuscaro, mentres que o 56,6% non coñece esta lingua e o 12,78% di posuír coñecementos básicos. No curso 2000-2001, a porcentaxe de estudantes con coñecementos básicos do éuscaro era do 8,05% e a dos que contaban cun nivel bo ou moi bo era do 17,95%. O 74% afirmaba non falar éuscaro.

Fonte: Diario de Navarra

Os sindicatos de traballadores do ensino máis representativos nos ámbitos territoriais de Cataluña (Ustec-Stes), das Illas Baleares (STEI-y) e da Comunidade Valenciana (Stepv-Iv) presentarán un manifesto conxunto en defensa da lingua catalá, segundo informaron nun comunicado fontes sindicais.

Fonte: EcoDiario

O presidente de Euskaltzaindia, Juan Urrutia, presenta no Palacio Euskaldina de Bilbao o primeiro relatorio (Euskaltzaindia, academia dunha lingua minoritaria e os seus desafíos nun mundo globalizado), nun congreso de dous días de duración que reunirá a expertos internacionais. A reunión, convocada baixo o lema Desafíos das linguas minoritarias na era da globalización, foi organizada por Eudel, o Goberno e as tres deputacións, co apoio de Unesco Etxea.

Fonte: El País

O presidente do Goberno de Aragón, Marcelino Iglesias, afirmou que as linguas minoritarias, o aragonés e o catalán, son "un gran patrimonio de todos os aragoneses" e confiou en presentar o proxecto de lei que regulará a súa promoción nas próximas semanas.

Fonte: Europa Press