A necesidade de evitar a "morte" do portugués oliventino foi defendida polos promotores dun debate, fixado na vila fronteiriza de Olivenza, onde o uso do portugués se reduce hoxe ás persoas de máis idade.

Fonte: RTP

A Confederación de Ikastolas presentou o seu proxecto lingüístico, a proposta das ikastolas para facer fronte ao que a responsable do proxecto dentro de la Confederación, Itziar Elorza, considerou «un dos principais retos da educación na sociedade actual: o modo de abordar o plurilingüismo no ensino e de garantir a adquisición das competencias necesarias non só en éuscaro e en castelán, senón tamén en inglés e mesmo nunha segunda lingua internacional».

Fonte: Diario Vasco

O conselleiro de Educación do Goberno de Navarra, Carlos Pérez-Nievas, afirmou que o Executivo demostrou "cumprir" co seu compromiso co éuscaro e que se este ano se destinarán 9.500 euros para subvencionar os medios de comunicación en éuscaro é polo "reaxuste" orzamentario debido á situación económica.

Fonte: Europa Press

A directora xeral de Política Lingüística do Principado de Asturias, Consuelo Vega, desvinculou a falta de oficialidade da lingua asturiana do perigo de desaparición que, segundo o «Atlas das linguas en perigo do mundo», publicado pola UNESCO, corre este idioma.

Fonte: La Nueva España

O deputado de ERC no Congreso, Joan Tardà, ameazou coa "insubmisión lingüística" se na Cámara baixa española se continúa vetando o uso do catalán.

Fonte: Avui

A última enquisa realizada pola Academia Valenciana da Lingua (ALV) a nivel de toda a Comunidade Valenciana (datada en 2004) sobre o uso da lingua vernácula reflectía que o 36% dos cidadáns da autonomía falaba "perfectamente" o valenciano. O informe tamén reflectiu que a porcentaxe de cidadáns da Comunidade que falaba bastante ben ou perfectamente o idioma representaba o 51%.

Fonte: Las Provincias

O presidente estremeño, Guillermo Fernández Vara, definiu en Olivenza (Badaxoz) o ensino do portugués como segundo idioma, por detrás do inglés, nos centros públicos estremeños como "unha acción estratéxica" do seu goberno.

Fonte: Galicia Hoxe

O Val de Arán constituíu o Consello Asesor da Lingua, un novo órgano asesor do Consello Xeral sobre a lingua occitana na súa variante aranesa.

Fonte: Món Divers

O Real Padroado sobre Discapacidade traballa para que os debates políticos do Congreso dos Deputados e o Senado conten con subtítulos e coa lingua de signos para ser accesibles a calquera persoa con discapacidade.

Fonte: Europa Press

O presidente catalán, José Montilla, cominou o Tribunal Constitucional a "preservar a convivencia" en Cataluña e non ceda ante os "intereses partidistas" que perseguen desautorizar o modelo lingüístico que funciona nesta comunidade desde hai 25 anos, polo que non aceptará imposicións desde fóra.

Fonte: La Vanguardia