A directora do Instituto Cervantes, Carmen Caffarel, e o presidente da Generalitat de Cataluña, José Montilla, reuníronse en Barcelona para estudar novas vías de colaboración entre ambas as institucións para promover a lingua e a cultura catalás fóra de España.

Fonte: Diario del Henares

Os funcionarios das administracións locais de Castelló recibirán este ano clases de aprendizaxe do idioma romanés nunha das accións formativas do Plan de formación continua da Deputación de Castelló. A necesidade de adaptarse aos cambios culturais motiva este curso, como en anos anteriores foron os de árabe.

Fonte: Levante-EMV

Europa Press de Catalunya inicia a transmisión dun portal de noticias integramente en catalán (www.europapress.cat), que ofrecerá en aberto as principais informacións da actualidade diaria, non só catalá, senón tamén estatal e internacional.

Fonte: Europa Press

A Xunta pola Defensa de la Llingua Asturiana e o Aconceyamientu de Xuristes pol Asturianu anunciaron un acordo de colaboración para a defensa dos dereitos lingüísticos que vai ter como primeiro punto a interlocución co Goberno español, co apoio de organizacións que reúnen falantes de asturiano, seguindo así a esixencia do Consello de Europa.

Fonte: Asturies.com

A Oficina Occitan en Cataluña terá dúas sedes: unha no Val de Arán –que será a central– e outra en Barcelona. Actualmente, o programa para a creación da oficina traballa en seis ámbitos. O primeiro baséase no aspecto de corte xurídico e, especialmente, na elaboración da Lei do occitano.

Fonte: La Mañana

O vicepresidente primeiro do Consell, Vicente Rambla, rexeitou a moción aprobada no Congreso dos Deputados na que se pide que se facilite que TV3 e Canal 9 poidan verse reciprocamente na Comunidade Valenciana e Cataluña porque comparten "un mesmo sistema lingüístico".

Fonte: El Periódico

O Ministerio de Educación introducirá o vindeiro ano medidas para atender a falta de competencia lingüística en castelán dos estudantes de Ceuta e Melilla cuxa lingua materna non é o español.

Fonte: Ceuta al Día

A Generalitat de Catalunya presentou a súa nova campaña para a normalización lingüística do catalán, "Contaxia o catalán" ("Encomana el català"), que centra o seu obxectivo en modificar os hábitos dos falantes de catalán que cambian de idioma para comunicarse en sociedade.

Fonte: Avui

A Asociación cultural Fala Ceibe do Bierzo fai público “un feixe de propostas culturais” a prol da protección do idioma galego na rexión berciana dirixido especialmente aos partidos políticos galegos con motivo das eleccións do 1 de marzo.

Fonte: GZnación

A Academia da Lingua Asturiana acaba de anunciar a creación dun departamento de tradución. O obxectivo é apoiar academicamente a calidade das traducións sobre todo do asturiano ao castelán e viceversa, aínda que sen descartar as traducións a outras linguas.

Fonte: Asturies.com