Co obxectivo de que en estas Festas de Nadal o éuscaro poida oírse un pouco máis en toda Navarra, 58 entidades puideron utilizar o cancioneiro con dez panxoliñas clásicas que publicou o Instituto Navarro del Vascuence en colaboración con Euskal Kantuzaleen Elkartearekin.

Fonte: XornalGalicia

A Deputación dará o próximo ano un forte impulso á súa particular inmersión no éuscaro para que «progresivamente se converta nunha lingua de traballo». Así o avanzou o tenente de deputado xeral, Claudio Rodríguez, quen asegurou que un dos principais obxectivos do Gabinete Agirre é que todo o persoal que se encontra nos servizos de atención ao público fale éuscaro.

Fonte: El Correo Digital

O caso da compañía aérea Swiss Air reabriu a polémica sobre o uso da lingua nos voos procedentes ou con destino a aeroportos dos Países Cataláns. A compañía suíza utilizaba o catalán nas mensaxes de cortesía gravadas, pero cambiáronas por gravacións en castelán por queixas dos viaxeiros, principalemente a dun membro de UPyD, o partido de Rosa Díez.

Fonte: Avui

O Tribunal Supremo obriga a Generalitat de Catalunya a que nos formularios de matriculación de ensino infantil e primario se pregunte sobre a lingua habitual do alumno. A sentenza responde ao recurso da Generalitat contra outra do Tribunal Superior de Xustiza de Cataluña que en 2004 o instou a preguntarlles aos pais dos alumnos pola súa lingua habitual "para facer efectivo o seu dereito a recibir o primeiro ensino nesta lingua".

Fonte: El País

O Instituto constitúese como un ente público de dereito privado, adscrito ao Departamento de Cultura. A súa misión será a difusión e promoción da lingua e cultura vascas no mundo, na liña do lema de Bernat Etxepare (poeta vasco que lle dá nome a esta nova institución): "jalgi hadi mundura" (ábrete ao mundo).

Fonte: eitb

Os títulos de catalán expedidos pola Generalitat Valenciana non teñen validez para o Goberno balear e non os recoñece para acreditar o coñecemento desta lingua.

Fonte: Diario de Mallorca

A Consellería de Educación valenciana está decidida a implantar o plurilingüismo no sistema educativo valenciano. O proxecto, que busca introducir o inglés como lingua vehicular no ensino, comezará a aplicarse de forma experimental o próximo ano.

Fonte: El Mundo

Samuel Sánchez, Carlos Pérez, Javi Villa, Santi Cazorla, Juan Mata, Pablo Álvarez, Santi Pérez, Manuel Enrique Mejuto, Benjamín Noval, Adrián López, Esteban Suárez, Carlos Barredo, Alberto Hevia , César Martín e Javi Hernanz dan a cara pola oficialidade do asturiano na campaña da organización Conceyu Abiertu pola Oficialidá, sumándose así a David Villa, Quini, Chechu Rubiera e Manuel Busto que, entre outros, xa o fixeron anteriormente.

Fonte: Asturies.com

Ante a evidencia de que a xustiza é un dos ámbitos onde o catalán está menos normalizado, o Colexio de Avogados de Barcelona, o departamento de Xustiza e a Secretaría de Política Lingüística farán unha fronte común para intentar incrementar o uso.

Fonte: Avui

«Hai que ter en conta que a realidade social mudou. Debemos responder a unha nova situación e darlles aos inmigrantes a ocasión de coñecer o idioma», dixo o responsable de Cultura e Euskera de Getxo. Na presentación do segundo Plan do éuscaro, Koldo Iturbe advertiu da necesidade de fomentar entre este sector de poboación tanto a aprendizaxe como o uso desta lingua.

Fonte: El Correo Digital