A diferenza de idioma xa non é unha barreira para as mulleres estranxeiras que necesitan información para acceder a un emprego ou axuda ante unha situación de violencia de xénero. A Consellería de Familia de Castela e León puxo en marcha un sistema mediante o cal poden atender ata en 30 idiomas.

Fonte: 20minutos

O PP presentou finalmente os detalles da súa anunciada proposta para garantir o ensino do castelán en toda España. Algo que, a xuízo dos populares, hoxe por hoxe non está asegurado debido a "normas de ámbito autonómico que non garanten que a lingua castelá sexa vehicular do ensino".

Fonte: El Periódico

A Xunta pola Defensa de la Llingua Asturiana convocou para o xoves 29 de xaneiro, ás 11.30 horas, unha concentración ante a Escola Universitaria de Maxisterio como forma de protesta pola exclusión da Lingua Asturiana dos títulos de grao que debaterá na Xunta de Escola. O acto, que está secundado por todos os sindicatos, contará tamén coa presenza do deputado rexional por Izquierda Unida Francisco Javier García Valledor.

Fonte: El Comercio Digital

A presidenta da Federación de Persoas Xordas de Cataluña (FESOCA), Encarna Muñoz Chamorro, participou no cumio de lingua de signos de Granada, onde máis de 450 persoas debateron a aplicación e o desenvolvemento da lei da lingua de signos en Andalucía.

Fonte: Diario Signo

Un millón de persoas aprendeu catalán nos cursos para adultos nos 20 anos de historia do Consorci per a la Normalització Lingüística (CPNL). O crecemento de inscricións foi continuo e moi importante sobre todo a partir do curso 2002-2003, cando nun ano se pasou de 55.000 alumnos a máis de 64.000.

Fonte: Avui

Máis de 5500 mozos biscaíños de cuarto curso de ESO serán os protagonistas dunha nova campaña cuxo obxectivo é fomentar que este colectivo prosiga a súa formación académica en éuscaro en FP e bacharelato.

Fonte: Deia

O documento Bases para a política lingüística de principios do século XXI é un relatorio que se porá en mans dos partidos políticos que sustenten o próximo Goberno vasco, así como das demais formacións, coa intención de que renoven o actual Plan xeral de promoción do uso do éuscaro, que xa ten dez anos.

Fonte: El País

Catro de cada dez donostiarras xa son euscaldúns. Esta é a principal conclusión que ofrecen os datos do Eustat referidos ao período 2001-2006 que foron presentados pola concelleira de Igualdade, Política Lingüística e Cooperación de San Sebastián, Ainhoa Beola.

Fonte: Diario Vasco

A Cidade Autónoma de Melilla, a través da Consellería de Presidencia e Participación Cidadá, e a UNED alcanzaron un acordo polo que o tamazight será incluído no programa de estudos universitarios desta entidade, o que permitirá que esta lingua milenaria de orixe bérber obteña un importante recoñecemento académico.

Fonte: Melilla Hoy

Aínda que o Parlamento vasco estea disolto, esta semana volverá reeditar un debate recorrente a pasada lexislatura: o éuscaro como lingua principal na educación. Neste caso será no seo da Deputación Permanente, o órgano que dirixe a Cámara mentres está disolta e ata que se constitúe de novo.

Fonte: El País