Os máximos responsables de política lingüística do Goberno vasco e do Goberno de Navarra celebran unha reunión na sede do executivo foral, en Pamplona. Na rolda de prensa que ofrecerán posteriormente, Miren Azkarate, conselleira de Cultura do Goberno vasco, Carlos Pérez Nievas, conselleiro de Educación do Goberno de Navarra, Patxi Baztarrika, viceconselleiro de Política Lingüística do Goberno vasco e Xabier Azanza, director de Euskarabidea, Instituto Navarro del Vascuence, presentarán o acordo de colaboración en materia de política lingüística ao que chegaron ambos os gobernos.

Fonte: Deia

O Club Baloncesto Siero será o primeiro protagonista dunha campaña de promoción da lingua asturiana no deporte, que promove o Servizo de Normalización Lingüística do Concello de Siero, e que conta cunha subvención de 1.500 euros da Consellería de Cultura e Turismo.

Fonte: El Comercio Digital

O candidato a lehendakari do PP, Antonio Basagoiti, comprometeuse a garantir por lei que os pais poidan elixir o modelo lingüístico dos seus fillos e que o coñecemento do éuscaro deixe de ser un requisito para acceder á Administración.

Fonte: Diario Vasco

A Universidade Pública de Navarra e a Real Academia da Lingua Vasca/Euskaltzaindia subscribiron no campus de Arrosadia un convenio marco que ten por obxecto xeral estreitar a colaboración entre ambas as dúas institucións. Segundo o convenio subscrito, a Universidade Pública de Navarra, no que respecta ao éuscaro, recoñece a Euskaltzaindia como a institución consultiva oficial.

Fonte: Europa Press

A Sindicatura de Greuges instou a Consellería de Educación a adoptar "todas as medidas que sexan necesarias, ordinarias ou extraordinarias, para garantir a aplicación efectiva dos programas de educación bilingüe en todos os centros financiados con fondos públicos".

Fonte: El Mundo

A Mesa do Congreso decidiu admitir case todas as 500 preguntas que o deputado de ERC Joan Tardà rexistrou en decembro en catalán ao ir acompañadas da súa tradución ao castelán, segundo informaron fontes parlamentarias.

Fonte: Europa Press

Nos últimos tres anos sumáronse 280.000 persoas aos cursos do Consorci de Normalització Lingüística de Cataluña (CNL), cun incremento do 43% de alumnado. En 2008 apuntáronse 111.335 alumnos, o que significa un 22% máis con respecto ao ano anterior. Os maiores incrementos rexístranse nos niveis iniciais e básicos da lingua, que alcanzaron os 68.243 inscritos o año pasado (un 27% máis que en 2007). O colectivo latinoamericano é o máis numeroso entre o alumnado de catalán: nos niveis iniciais supera o 50% da matrícula.

Fonte: Tribuna Latina

"O noso obxectivo é que o éuscaro, igual que o castelán, vaia sendo cada vez máis non só lingua de servizo, senón tamén lingua de traballo nas administracións públicas vascas". O viceconselleiro de Política Lingüística, Patxi Baztarrika, explicaba así a "filosofía" dos plans de normalización do uso do éuscaro que se desenvolverán ata 2012 e que xa foron aprobados en 171 concellos que dan cobertura ao 90% da poboación do País Vasco.

Fonte: Deia

Nafarroa Bai pediulle ao Goberno de Navarra que garanta unha partida económica suficiente para asegurar este ano a función e supervivencia dos medios de comunicación que promoven o éuscaro.

Fonte: Europa Press

Tecnoloxía e contidos lingüísticos únense en dixio, a solución aos problemas de comprensión que poden aparecer ao ler o contido dunha páxina web ou calquera documento do ordenador. Trátase dun servizo de Semantix, empresa dedicada ao desenvolvemento de solucións para mellorar a comunicación entre persoas.

Fonte: Comunicae