É a primeira vez que un grupo parlamentario presenta unha proposta deste tipo, que foi impulsada polo Colexio de Médicos de Tenerife, desde onde se detectaron polo menos 17 casos de médicos contratados que non saben expresarse en español.

Fonte: Madrid Digital

O Concello distribuirá carteis con termos e frases en éuscaro a 1.600 establecementos de catro gremios diferentes -hostalería, froiterías e tendas de verduras, carnicerías e peixerías- para que, baixo o lema ¡Proba en éuscaro!, clientes e comerciantes se animen a utilizar esta lingua nas súas compras.

Fonte: Diario Vasco

Unha enquisa revelada polo Goberno balear pon de manifesto que tan só o 3,5% do persoal sanitario de Mallorca non comprende o catalán cando o interpelan directamente nesta lingua.

Fonte: Diario de Mallorca

O presidente de Coalición por Melilla pediulle ao Goberno da Cidade Autónoma que adopte as medidas oportunas para protexer e potenciar a lingua tamazight despois da recomendación feita pola Unión Europea para convertela en lingua vehicular en Melilla.

Fonte: Diario Sur

A Escola de Maxisterio da Universidade de Oviedo contará con especialidade de Lingua Asturiana nos plans de estudos resultantes da próxima reforma das súas ensinanzas.

Fonte: El Comercio Digital

O PP criticou o Goberno balear por elaborar un plan de normalización lingüística que ten como obxectivo "evitar o bilingüismo" no sector deportivo das Ilas, e "impón a calquera entidade deportiva a dispoñer toda a súa documentación en catalán".

Fonte: Europa Press

O pleno do Consello Social da Lingua Catalá aprobou sen ningún voto en contra o Plan de normalización lingüística, unha guía para a promoción social do uso do catalán que non implicará imposición ningunha no ámbito privado alleo ás Administracións da Comunidade, segundo destacou a conselleira de Educación e Cultura, Bárbara Galmés.

Fonte: Diario de Mallorca

A deputada do Grupo Coalición por Melilla (CPM), Dunia Al-Mansouri, informou recentemente de que a súa formación, a través de Izquierda Unida no Congreso, instou hai varios meses o Goberno de España para que o estudo da lingua tamazight sexa unha materia optativa para os alumnos de Ensino Secundario Obrigatorio (ESO).

Fonte: Melilla Hoy

A Korrika, carreira en favor do éuscaro, cerrou na praza da Virgen Blanca de Vitoria a súa 16ª edición instando a usar a diario esta lingua, máis alá de aprendela.

Fonte: El País

O Goberno Vasco e a canle de televisión EITB asinaron un convenio coa empresa Google que permitirá utilizar o correo electrónico en éuscaro e realizar buscas de alta calidade en internet no devandito idioma. O acordo pretende impulsar a incorporación da lingua vasca á novas tecnoloxías da comunicación.

Fonte: Diario Vasco