España
A Dirección Xeral de Política Lingüística de Baleares convoca axudas de ata 140.000 euros para a prensa escrita en catalán
A Dirección Xeral de Política Lingüística das Illas Baleares publicou no Boletín Oficial de Baleares (BOIB) a convocatoria para conceder axudas destinadas á prensa escrita integramente en catalán.
Fonte: Europa Press
O Goberno catalán multou en 2006 con 43.500 euros a compañías aéreas por non utilizar o catalán
A Generalitat de Catalunya impuxo sancións por valor de 43.500 euros a compañías aéreas que operan en Barcelona por non utilizar o catalán nas súas comunicacións cos clientes no marco dunha campaña de inspección de 2006.
Fonte: Europa Press
O 22% das áreas de coñecemento da Universidade Jaume I non ten docencia en valenciano
O informe "Les llengües de la docència en la Universitat Jaume I" (As linguas da docencia na Universidade Jaume I) correspondente ao actual curso reflicte síntomas de recuperación no uso do valenciano como lingua vehicular nas clases. Pese a isto, aínda restan algunhas tendencias que corrixir.
Fonte: Las Provincias
O Consello d'a Fabla reivindica a presenza pública da lingua aragonesa
Con diversas accións programadas para os vindeiros días, o Consello d´a Fabla Aragonesa pretende impulsar a presenza pública desta lingua. Entre estas actividades atópase unha serie de faladoiros en aragonés.
Fonte: Radio Huesca
Unha asociación abre un servizo telefónico que asesorará sobre os dereitos lingüísticos dos falantes de valenciano
Acción Cultural do País Valenciano (ACPV) poñerá en funcionamento o denominado Telèfon de la Llengua (Teléfono da Lingua), un servizo de asesoramento telefónico orientado a garantir os dereitos lingüísticos dos falantes de valenciano.
Fonte: Món Divers
A Coordinadora 'Aragón ye trilingüe' manifestarase en maio pola igualdade de aragonés, catalán e castelán en Aragón
A Coordinadora 'Aragón ye trilingüe' convocou unha manifestación o próximo 16 de maio para reivindicar a igualdade do aragonés, o castelán e o catalán na comunidade autónoma e esixir o recoñecemento dos dereitos dos falantes das tres a expresarse nestas linguas.
Fonte: Ya.com
O xornal catalán Avui publica unha serie de reportaxes sobre a realidade das linguas españolas non cooficiais
O asturleonés, o aragonés e o aranés son tres linguas con recoñecementos legais diferentes que demostran que a realidade lingüística do Estado español vai moito máis alá dos idiomas oficialmente recoñecidos polos seus respectivos estatutos de autonomía. O Avui preparou unha serie de reportaxes sobre estas realidades descoñecidas.
Fonte: Avui
Reclaman en Zaragoza o aragonés como lingua propia fronte ao catalán
A Plataforma No Hablamos Catalán celebrou unha protesta en Zaragoza para rexeitar a intención do PSOE e da Chunta Aragonesista de 'impoñer' o catalán en Aragón como lingua propia e reivindicar como aragonés a fala da franxa oriental.
Fonte: Terra
Un sistema de interpretación permite en Valencia o entendemento en máis de 20 linguas estranxeiras entre paciente e médico
A Consellería de Sanidade de Valencia dispón dun sistema de interpretación simultánea entre os pacientes estranxeiros e os médicos dalgúns departamentos. Trátase do sistema de interpretación de enlace que, mediante acceso telefónico con dobre auricular, permite o entendemento en máis de vinte linguas estranxeiras entre paciente e médico.
Fonte: Qué
A Universidade de Granada abrirá en 2010 o primeiro instituto oficial de ruso de España
Granada será o vindeiro ano a primeira cidade española que acolla un instituto oficial de estudos rusos, segundo confirmaron fontes da Universidade de Granada e do Goberno ruso.
Fonte: La Opinión de Granada
Boletín
Subscríbase ao boletín
