O hospital de Xetafe conta desde marzo do pasado ano cun servizo de interpretación instantáneo ante o crecente número de inmigrantes. Pódense elixir ata 60 idiomas, en horario de oficinas e as 24 horas ao día na tradución de chinés, romanés e árabe.

Fonte: Gente

O departamento que dirixe Alejandro Font de Mora segue adiante coa súa aposta polo inglés nas escolas, despois de que a "ocorrencia" de obrigar a traducir a esta lingua as clases de Educación para a Cidadanía sen poñer máis especialistas nin medios materiais, tivese un rexeitamento masivo entre os pais e profesores deixando sen efecto a orde cara ao final do primeiro trimestre lectivo.

Fonte: El País

O Consello de Europa eloxia a creación de ELEBIDE (Servizo para a Garantía dos Dereitos Lingüísticos) e anima as autoridades vascas a perseverar na normalización do éuscaro na Ertzaintza e Osakidetza (Sanidade vasca). Así mesmo, chama a atención sobre as carencias da Administración de Xustiza e a Administración do Estado.

Fonte: Euskadi.net

O Premio UKAN 2008 á innovación en medios de comunicación concedéuselle á revista eta kitto! de Eibar, pola mellora continua nos seus contidos e estruturas. O premio UKAN de publicidade entregáronllo a Euskaltel pola campaña da fibra óptica, da que o xurado valorou a creatividade dunha campaña pensada e deseñada en éuscaro. Houbo unha mención especial para a campaña da clínica dermatolóxica, DERMITEK.

Fonte: Euskadi.net

Un grupo de particulares aragoneses, englobados na iniciativa 'Lei de linguas, si', abriu unha recollida de sinaturas por internet para "instar as autoridades aragonesas" a dar cumprimento ao mandato estatutario que as obriga a promulgar unha lei de linguas de Aragón na que se ten que definir o status legal do catalán e o aragonés.

Fonte: Avui

Javier Cruz, representante internacional da Asemblea do Pobo Guaraní de Bolivia, é o autor do primeiro dicionario indíxena, que sairá á luz dentro de quince días coa tradución desta lingua nativa ao español. O dicionario do guaraní tamén sairá en edicións en catalán, vasco e valenciano, explicou Cruz na Feria Internacional de Turismo de Madrid (Fitur).

Fonte: La Voz de Galicia

O debate xira sobre como implantar o inglés; a partir de que tipo de programas; con que persoal e con que recursos económicos e materiais. Todos estes temas foron postos sobre a mesa por Escola Valenciana, a entidade integrada na gran Plataforma per l'Ensenyament Públic (Plataforma pola Ensinanza Pública), xunto a sindicatos, confederacións de pais e alumnos, directores e inspectores, na segunda reunión para deseñar un plan de ensinanza trilingüe cos técnicos da Consellería de Educación valenciana.

Fonte: El País

A última hora, no penúltimo Consello de Goberno antes de que se poña en marcha a campaña electoral. Así aprobou o Departamento de Educación o decreto para a etapa de bacharelato, no que establece o éuscaro como "lingua principal".

Fonte: El País

Desde o 1 de xaneiro, Cataluña conta cunha nova asociación de tradutores e intérpretes, a Asociación Profesional de Tradutores e Intérpretes de Cataluña (APTIC), que ten por obxectivo velar polos intereses do gremio principalmente no territorio catalán. A asociación nace da fusión de dúas asociacións xa existentes anteriormente, ATIC e TRIAC, co cal aglutina máis de 500 profesionais asociados.

Fonte: Linguamón

A Oficina Municipal da Lingua de Xixón desenvolve un importante labor de difusión do asturiano entre os escolares. Para conseguir a normalización entre os máis novos, a entidade realiza 14 actividades didácticas para aproximar e fomentar o uso desta lingua nos colexios.

Fonte: La Voz de Asturias