Os máximos responsables do Partido Socialista de Navarra (PSN) e Converxencia de Demócratas de Navarra (CDN) anunciaron que apoiarán a ampliación da zona lingüística mixta de Navarra aos municipios de Noáin, Beriáin, Aranguren e Galar, coa condición de que os concellos destas catro localidades se manifesten a favor desta modificación por maioría absoluta do pleno.

Fonte: Europa Press

De fito pode cualificarse o acordo común en materia educativa ao que chegaron Partido Socialista de Euskadi (PSE), Partido Popular (PP) e Partido Nacionalista Vasco (PNV) no Parlamento Vasco -tamén o apoiou Ezker Batua (EB)-, ao aprobarse un texto que fai súas as conclusións do proceso Euskara 21, aprobadas polo Consello Asesor do Éuscaro.

Fonte: Diario Vasco

Acción Cultural do País Valenciano, con ocasión do 9 de outubro, convocou por décimo cuarto ano consecutivo Correllengua, considerada a iniciativa non institucional máis multitudinaria en favor da lingua catalá, informan fontes desta entidade.

Fonte: ADN

España figura entre os tres países da Unión Europea con maior proporción de adultos entre 25 e 64 anos que non falan ningunha lingua estranxeira, segundo os datos publicados pola oficina estatística da Comisión Europea, Eurostat, coincidindo cos actos do Día Europeo das Linguas.

Fonte: Europa Press

O PNV reclámalle ao Departamento de Educación a elaboración dunha proposta de reforma do actual sistema de modelos lingüísticos para "garantir un verdadeiro avance do éuscaro como lingua vehicular".

Fonte: Deia

Nokia incorporou o catalán como lingua dispoñible nos menús de todos os seus terminais, a través dun convenio asinado coa Generalitat de Cataluña para promover a telefonía móbil en catalán.

Fonte: El Mundo

A revista das Tres Xemelgas, destinada a nenos e nenas de entre 5 e 8 anos, terá unha sección na que Linguamón - Casa de las Lenguas quere traballar xunto cos máis pequenos no valor que teñen as linguas e a riqueza que supoñen.

Fonte: Linguamón

O presidente de Navarra, Miguel Sanz, anunciou a ruptura do pacto entre UPN e CDN, socios no Executivo foral desde 2003. Sanz xa advertira de que a quebra era inevitable se CDN non rectificaba a súa postura favorable a unha reforma da Lei foral do éuscaro.

Fonte: El Correo Digital

O catalán é o oitavo idioma do mundo con maior actividade nos blogs e o décimo quinto en Wikipedia, a popular enciclopedia electrónica, o que demostra "unha presenza na rede moito maior do peso demográfico dos seus 10 millóns de falantes".

Fonte: El País

O Concello de Ontinyent (Valencia) aprobou a non obrigatoriedade de coñecer o valenciano para os funcionarios municipais tras concluír o período habilitado para a presentación de alegacións.

Fonte: Europa Press