España
A Consellería vasca de Educación di que non lle consta que haxa peticións de modelo A sen atender
O Departamento de Educación do Goberno Vasco dixo que non lle consta que haxa solicitudes de matriculación no modelo A que quedaran sen atender.
Fonte: El Correo Digital
A Academia Valenciana da Lingua reúne nunha obra máis de 50.000 topónimos valencianos
A Academia Valenciana da Lingua (AVL) presentou o Corpus Toponímic Valencià, unha obra en dous volumes que recolle máis de 50.000 topónimos, na que interviñeron, desde o seu inicio hai máis de dez anos, a Universidade de Valencia (UV), a Consellería de Cultura e a propia AVL.
Fonte: ADN
A conselleira vasca de Educación di que o Goberno garantirá "cada vez de mellor maneira a liberdade de elección lingüística"
A conselleira vasca de Educación, Isabel Celaá, insistiu en que o Goberno autónomo garantirá "cada vez de mellor maneira" a "liberdade de elección lingüística" e promoverá "as condicións que o permitan".
Fonte: Europa Press
A Federación de Entidades Latinoamericanas de Cataluña (Fedelatina) promoverá o catalán entre os sudamericanos
A Federación de Entidades Latinoamericanas de Cataluña (Fedelatina) e a Plataforma pola Lingua asinaron o pasado 24 de setembro un convenio de colaboración co obxectivo de promover de forma conxunta o uso do catalán entre a comunidade latinoamericana residente en Cataluña.
Fonte: La Voz Libre
A Chunta Aragonesista acusa o Goberno de Aragón do descoido sistemático do patrimonio lingüístico
O secretario de Política Cultural e Identidade Nacional de la Chunta Aragonesista, Miguel Martínez Tomey, acusou o Goberno aragonés de manter un "descoido sistemático" do patrimonio lingüístico e de non ser capaz de "protexer, promover e difundir as linguas de Aragón".
Fonte: ADN
O idioma portugués impártese no 18,6 % dos centros educativos estremeños
A conselleira de Educación, Eva María Pérez, destacou o "crecente interese" entre o alumnado e o profesorado estremeño pola ensinanza-aprendizaxe do portugués, un idioma que se imparte xa nun centenar de centros educativos de Estremadura, o que representa o 18,6 por cento do total de colexios e institutos.
Fonte: Europa Press
Televisión de Cataluña incrementa a presenza do aranés en antena e no seu portal de internet
Televisión de Cataluña (TVC) incrementa a presenza do aranés en antena coa estrea na canle 3/24 dunha rolda de información xeral nesa lingua para todo o territorio.
Fonte: Europa Press
O Estado español podería adherirse aos principios da Declaración Universal dos Dereitos Lingüísticos
A Comisión Constitucional do Congreso dos Deputados aproba unha proposición non de lei para que o Estado promova nas institucións internacionais a inclusión dos dereitos lingüísticos como dereitos humanos.
Fonte: Nationalia
O Concello de Bilbao premiará os mellores blogs en éuscaro
Aproveitar as novas tecnoloxías para impulsar o uso do éuscaro é o principal obxectivo do concurso Bilblogari, organizado polo concello da capital biscaíña e o portal de internet Nontzeberri.
Fonte: El Correo Digital
O Concello de Lena e a Academia da Lingua Asturiana traballarán xuntos para promover o uso do asturiano
O vicealcalde de Lena, Agripino Pérez, e a presidenta da Academia da Lingua Asturiana, Ana Cano, asinaron un convenio de colaboración co obxectivo de promover o uso e a normalización do asturiano no concello, ademais de traballar conxuntamente na dignificación da lingua.
Fonte: Asturies.com
Boletín
Subscríbase ao boletín
