España
Esquerra Republicana levará ao Congreso o uso das linguas cooficiais
Esquerra Republicana (ERC) reactivará proximamente no Congreso a súa reivindicación sobre o uso das linguas cooficiais na Cámara Baixa tras admitirse a trámite unha proposta neste sentido no Senado a instancias do seu partido, adscrito ao grupo Entesa Catalana del Progrés (PSC, ERC e ICV).
Fonte: Galicia Hoxe
O Congreso insta o Goberno español a adaptar ao braille a etiquetaxe dos produtos farmacéuticos
A Comisión de Políticas Integrais da Discapacidade do Congreso aprobou por unanimidade unha proposición non de lei pola que insta o Goberno español a adaptar ao braille a etiquetaxe dos produtos farmacéuticos para garantir a súa accesibilidade e a establecer un réxime sancionador que asegure a súa aplicación.
Fonte: Europa Press
Presentan Onescat, un curso para aprender catalán a través da radio
Bernat Joan, secretario de Política Lingüística e presidente do Consorcio para a Normalización Lingüística; Iolanda Pineda, alcaldesa de Salt, e Francesc Triola, director xeral de COMRàdio, presentaron en Salt o curso de catalán inicial para radio Onescat.
Fonte: Generalitat de Catalunya
O pleno do Parlamento de Navarra rexeita unha moción para garantir a elección de modelo lingüístico
O pleno do Parlamento de Navarra rexeitou unha moción de NaBai que lle pedía á Cámara que declarase a súa vontade de garantir o dereito dos pais a elixir o modelo lingüístico educativo para os seus fillos e instase o Goberno a promover iniciativas e recursos para o modelo D.
Fonte: Diario de Navarra
A Real Academia da Lingua Vasca-Euskaltzaindia publica os primeiros tomos do atlas dos dialectos do éuscaro
Euskaltzaindia, a Real Academia da Lingua Vasca, presentou en Bilbao os dous primeiros tomos do Atlas de las variedades locales del euskera-Euskararen Herri Hizkeren Atlasa (EHHA), amplo traballo no que se recolle material escrito e sonoro obtido durante a investigación do éuscaro dialectal oral levada a cabo entre 1987 e 1992 en 145 municipios euscaldúns.
Fonte: Noticias de Navarra
A Deputación Foral de Guipúscoa e a Real Sociedade de Fútbol asinan un acordo para promover o éuscaro
A Real Sociedade de Fútbol e a Deputación Foral de Guipúscoa pecharon un acordo de patrocinio para a promoción do éuscaro.
Fonte: EiTB
Só 71 dos 542 concellos da Comunidade Valenciana contan con oficina de promoción do valenciano
Un total de 71 consistorios dos 542 existentes nas comarcas valencianas loita nas súas oficinas de promoción do valenciano con desigual éxito. O Consello da Generalitat Valenciana comprometeuse a impulsar oficinas en municipios de máis de 5.000 habitantes.
Fonte: Levante
A Plataforma pola Lingua recolleu 8.000 queixas pola discriminación do catalán nos cines en 15 días
A Plataforma pola Lingua explicou que, en quince días de campaña durante o mes de febreiro, recibiu 8.000 queixas de cidadáns contra a discriminación da lingua catalá no cine.
Fonte: Móndivers
A directora xeral de Política Lingüística cre que non hai unha maioría suficiente para pedir a oficialidade do asturiano
A directora xeral de Política Lingüística do Goberno asturiano, Consuelo Vega, cuestionou nunha entrevista que exista unha "maioría suficiente" para solicitar a oficialidade do asturiano na próxima reforma do Estatuto de Autonomía.
Fonte: 20minutos
Un total de dez institutos valencianos imparte un curso de lingua e cultura chinesa
Un total de dez centros de educación secundaria obrigatoria (ESO) da Comunidade Valenciana está participando nun programa experimental consistente en impartir un curso de lingua e cultura chinesas para os alumnos de 3º e 4º.
Fonte: 20 minutos
Boletín
Subscríbase ao boletín
