Este Plan, aprobado polo Consello de Goberno, estruturará e garantirá o financiamento de todas as actuacións que neste ámbito se están a levar a cabo, así como das que se porán en marcha no futuro para a mellora e o impulso da aprendizaxe de linguas estranxeiras e a competencia comunicativa intercultural.

Fonte: 20minutos

Chámase Andalus Press e trátase do primeiro xornal dixital de información xeral en árabe dirixido a esta comunidade de inmigrantes, especialmente marroquís, que vive en España.

Fonte: Radio Cable

Álava completará este mes a rede de técnicos en éuscaro coa contratación do responsable de Trebiño. Así o anunciou a deputada foral de Éuscaro, Cultura e Deportes, Lorena López de Lacalle, durante a súa comparecencia nas Xuntas Xerais para explicar o primeiro Plan estratéxico do éuscaro.

Fonte: Noticias de Álava

O vicepresidente do Goberno catalán, Josep-Lluís Carod-Rovira, presentou no Parlamento de Cataluña o proxecto de Lei do aranés, que o "recoñece como a lingua propia do Val de Arán" e encabeza "unha iniciativa sen precedentes en favor da protección, a defensa e o fomento da lingua occitana".

Fonte: Generalitat de Catalunya

O Goberno vasco xa traballa en analizar como proceder á rebaixa da puntuación do valor do éuscaro como mérito para aplicar na próxima oferta pública de emprego da Administración.

Fonte: Deia

Un total de 29 municipios biscaíños tratarán de impulsar o uso do éuscaro en comercios e locais hostaleiros a través da campaña 'Euskera, eskaintzarik onena'.

Fonte: El Correo Digital

Só un 44,3 % dos mozos de entre 15 e 29 anos admite que fala habitualmente en catalán e un 12 % non o fala nin o entende, segundo un informe de 2003 elaborado polo Departamento de Presidencia e incluído no sistema de indicadores presentado polo Observatorio Catalán da Xuventude do Departamento de Acción Social.

Fonte: Avui

Os sindicatos de profesorado de Galicia (STEG), Cataluña (USTEC-STAES IAC), Illas Baleares (STEI-i), Valencia (STEPV-Iv) e País Vasco (STEE-EILAS) reivindicarán conxuntamente a consideración do galego, éuscaro e catalán como linguas vehiculares no sistema educativo, en contra da súa situación "claramente desigual" e para "remontar séculos de illamento".

Fonte: EcoDiario

Froito da observación estritamente empírica, a Plataforma pola Dinamización Lingüística do País Valenciano leva estudando o uso das linguas no Parlamento valenciano co obxectivo de realizar un diagnóstico –en constante movemento– da situación do valenciano como idioma vehicular de expresión entre os parlamentarios.

Fonte: Levante

Nun próximo Consello de Goberno modificarase o decreto de estrutura do Departamento de Educación, Cultura e Deporte para atribuírlle as competencias sobre política lingüística na comunidade, tal e como desvelou a conselleira de Educación, Cultura e Deporte, María Victoria Broto.

Fonte: Diario del Alto Aragón