España
O Parlamento vasco apoia que o éuscaro deixe de ser a lingua principal do sistema educativo
O Parlamento vasco apoiou a reforma do currículo escolar proposta polo Departamento de Educación para eliminar a consideración do éuscaro como lingua vehicular principal do sistema educativo e delimitar a utilización do termo Euskal Herria como referencia lingüística e cultural.
Fonte: El Correo
Usar as linguas autonómicas en todas as sesións do Senado custaría 120.000 euros, segundo os seus promotores
Que os senadores poidan expresarse en éuscaro, galego, catalán ou valenciano en todos os ámbitos do Senado tería un custo anual de 120.000 euros, segundo se estima nunha proposta de reforma do Regulamento do Senado que promoven todos os grupos parlamentarios agás o PP e o PSOE.
Fonte: Europa Press
As universidades españolas apoian unha televisión en galego, catalán e éuscaro
A Conferencia de Reitores das Universidades Españolas (CRUE) adheriuse á Iniciativa Lexislativa Popular (ILP) para unha televisión sen fronteiras que actualmente está en trámite no Congreso e que busca o recoñecemento do catalán, o eúscaro e o galego nos seus espazos de comunicación.
Fonte: Galicia-Hoxe
Os servizos sociais de Aragón ofrecen a posibilidade de comunicarse telefonicamente en 50 idiomas
Un servizo de tradución telefónica ofrécelle á poboación inmigrante a posibilidade de comunicarse cos servizos sociais nalgún idioma distinto do castelán. A iniciativa, que comezou como proxecto piloto en novembro, está implantada en 75 centros públicos aragoneses e ofrece a posibilidade de comunicarse ata en 50 idiomas.
Fonte: El Periódico de Aragón
O Concello de Xixón comeza a ofrecer formularios normalizados para facer xestións en asturiano
O Concello de Xixón comeza a cumprir as medidas previstas no Plan de normalización aprobado en 2009, no que atinxe á posibilidade de facer as xestións administrativas en asturiano.
Fonte: Asturnews
Xa está na rede a proposta de terminoloxía xurídica e administrativa para o asturiano
A Academia da Lingua Asturiana acaba de incorporar á páxina do proxecto Termast (Centro de Terminoloxía Asturiana), un vocabulario, o segundo desta iniciativa, centrado na terminoloxía xurídica e administrativa, do que é autor o avogado leonés Nicolás Bartolomé Pérez.
Fonte: Asturnews
O Valedor do Pobo de Navarra proponlle ao Goberno foral que potencie o vasco na zona mixta
O Valedor do Pobo de Navarra, Javier Enériz, recomendoulle ao Goberno foral que elabore un regulamento para desenvolver a Lei foral do vasco e cubra as "lagoas" que presenta esta lei na zona mixta, para potenciar, desenvolver e fomentar o uso do vasco nesta zona, que é onde se centra o maior número de habitantes de Navarra, "gran parte deles falantes de vasco", observou o Valedor.
Fonte: Diario de Navarra
O PP rexeita que se esixa saber valenciano para traballar na Administración pública
O voceiro do PP, Rafael Blasco, rexeitou que o seu grupo nas Cortes vaia apoiar a reforma da Lei da función pública que propón o PSPV e que afectaría a como puntúa o requisito lingüístico nas oposicións da Generalitat Valenciana.
Fonte: El Mundo
O Departamento vasco de Educación fixa un mínimo de cinco horas en éuscaro, castelán e inglés por semana
Impulsar o éuscaro, consolidar o bilingüismo e activar o inglés. Estes son os tres obxectivos do marco experimental que o Goberno vasco implantará os próximos tres cursos en 40 centros públicos e concertados.
Fonte: El Correo
A Generalitat de Catalunya e a compañía aérea Andalus acordan promover o uso da lingua catalá
O delegado do Goberno catalán, Jordi Martinoy, e o director xeral de Andalus, Fernando Guerrero, asinan un convenio que permitirá dispoñer en catalán do web da compañía e das mensaxes de cabina, entre outras cousas.
Fonte: Generalitat de Catalunya
Boletín
Subscríbase ao boletín
