O Goberno rexional considera o sector do español un recurso económico en Castela-A Mancha como unha importante fonte de riqueza, desenvolvemento social, promoción económica e cultural da rexión.

Fonte: La Cerca

Cerca de oito de cada dez vascos utilizan principal ou exclusivamente o castelán para comunicarse cos seus familiares e amigos, segundo os resultados do último Sociómetro do Goberno vasco. O uso do éuscaro é algo maior nas relacións de amizade que nas relacións familiares.

Fonte: El Correo

A viceconselleira vasca de Política Lingüística, Lourdes Auzmendi, admitiu que existen «queixas» de usuarios descontentos á hora de recibir atención en éuscaro en sectores como a Ertzaintza ou a sanidade pública.

Fonte: El Correo

O ano pasado o número de sentenzas ditadas polos xulgados e tribunais de Cataluña chegou ás 250.537. Destas, o 84,1 % estaba escrito en castelán, e o resto (un 15,9 %) en catalán. Este é o quinto ano consecutivo en que hai un retroceso na porcentaxe de sentenzas en catalán en relación co total.

Fonte: Avui

A campaña "A la universitat en català!" (¡Na universidade en catalán!) ten como obxectivo reclamar que o catalán ocupe, nas universidades, o lugar que lle corresponde como lingua propia de Cataluña e tamén facer tomar consciencia da importancia da presenza axeitada desta lingua na docencia e a investigación universitarias.

Fonte: Plataforma per la Llengua

O controvertido decreto sobre os dereitos lingüísticos dos consumidores, que impón a case a metade do sector comercial vasco a obrigación de rotular e atender en éuscaro, entrará en vigor o próximo 17 de xullo.

Fonte: El Correo

O curso pasado 138.223 alumnos estudaban en valenciano na escola primaria, pero tan só 58.626 deron continuado os seus estudos en valenciano no ciclo de secundaria. Polo tanto, 79.697 alumnos que cursaron primaria en valenciano non o puideron facer no nivel superior obrigatorio.

Fonte: El País

O Centro de Visión por Computador da Universidade Autónoma de Barcelona (CVC-UAB) deseñou un prototipo dun sistema visual con videocámara que interpreta a lingua de signos española e que permite a persoas xordas comunicarse en sitios de información públicos.

Fonte: Europa Press

O Síndic de Greuges (equivalente ao Valedor do Pobo), José Cholbi, volveu emitir outra resolución en favor do mesmo trato ás dúas linguas oficiais da Comunidade Valenciana (castelán e valenciano), e especialmente no ámbito das administracións públicas.

Fonte: El País

O embaixador de Portugal en España, Álvaro Mendonça e Moura, propúxolle ao presidente da Comunidade de Murcia, Ramón Luis Valcárcel, que o portugués poida ser unha materia optativa como segunda lingua para os alumnos da rexión.

Fonte: ABC