España
Un estudo afirma que as empresas catalás non dominan ben as linguas dos mercados emerxentes
Esta é unha das principais conclusións dun estudo sobre o multilingüismo como instrumento de negocio en Cataluña que deseñou e coordinou a Cátedra de Multilingüismo Linguamón da Universidade Aberta de Cataluña (UOC), xunto á Secretaría de Política Lingüística da Generalitat.
Fonte: ABC
Os centros con éuscaro como lingua principal son os que logran os mellores resultados académicos
Segundo un informe do Departamento de Educación do Goberno vasco, durante o curso 2008-2009 as ikastolas obtiveron a taxa de aprobados máis alta en primaria, secundaria e bacharelato.
Fonte: Noticias de Álava
Aumenta un 38 % en cinco anos o número de alumnos que cursa materias en éuscaro na Universidade Pública de Navarra
Os alumnos matriculados nalgunha das materias que se ofertan en éuscaro na Universidade Pública de Navarra aumentaron un 38 % nos últimos cinco cursos académicos.
Fonte: Noticias de Navarra
O Goberno de Cataluña invita os romaneses a aprender catalán para prosperar socialmente
A conselleira de Acción Social e Cidadanía da Generalitat de Catalunya, Carme Capdevila, instou os romaneses que viven en Cataluña a aprender catalán para prosperar socialmente, na presentación da guía Vivir en Catalunya. Aprendamos catalán desde el rumano.
Fonte: La Vanguardia
O Correllengua percorrerá todas as poboacións da illa de Mallorca a partir do 17 de abril
Joves de Mallorca per la Llengua presentaron o xa tradicional Correllengua, que a partir do sábado día 17 de abril comezará a percorrer todas as poboacións da illa.
Fonte: Diario de Mallorca
Preséntase unha nova asociación para a defensa do eonaviego
A Casa Cultura de Navia acolleu a presentación dun novo colectivo en defensa da lingua do Eo-Navia. A organización denuncia a situación actual do galego-asturiano como “intolerable”.
Fonte: Asturnews
Máis de 23.000 bercianos utilizan o galego como lingua principal
O galego é a lingua utilizada por 23.500 persoas nacidas no Bierzo e por outras 10.000 asentadas en Ponferrada, tras emigrar desde as vilas da parte oriental de Lugo e Ourense. De feito, o 60 % da poboación maior de 65 anos usa este idioma, mentres que só un 3 % da xente nova o fala.
Fonte: La Voz de Galicia
O Ministerio de Fomento promove a toponimia cunha campaña en asturiano
O Ministerio de Fomento, a través da Comisión Especializada de Nomes Xeográficos, integrada no Consello Superior Xeográfico, desenvolve unha campaña estatal de promoción da toponimia, que en Asturias conta coa colaboración da Consellería de Cultura e Turismo.
Fonte: Asturnews
Os escolares do programa de educación bilingüe mostran un dominio moi fluído do inglés
A maioría dos escolares españois, tanto de primaria como de secundaria, que estuda no Programa de educación bilingüe, implantado na escola pública desde 1996, mostra un dominio "moi fluído" desta lingua e emprégaa de forma "natural".
Fonte: 20 minutos
Aumenta o interese por aprender árabe nas Illas Canarias
A proximidade de moitos destinos árabes, o crecemento dun amplo sector de poboación de orixe emigrante que reclama servizos básicos no seu idioma e os negocios fan que cada vez máis persoas se interesen pola aprendizaxe do árabe.
Fonte: Canarias al Día
Boletín
Subscríbase ao boletín
