A ministra de Sanidade e Política Social, Trinidad Jiménez, anunciou que o próximo mes de setembro levará ao Consello de Ministros un real decreto para impulsar a etiquetaxe en braille nalgúns produtos para que as persoas con algún tipo de discapacidade visual poidan ter menos dificultade á hora de realizar a compra nos supermercados e resto de superficies de distribución.

Fonte: Qué!

O Goberno valenciano aprobou un convenio coa República de Bulgaria polo que autoriza o uso das aulas e material educativo en institutos de secundaria da Comunidade Valenciana para impartir cursos de lingua e cultura búlgaras.

Fonte: Las Provincias

O lehendakari Patxi López asegurou que vai manter durante o seu mandato unha política de "impulso activo do éuscaro" co fin de avanzar cara a unha sociedade bilingüe, pero precisou que o vai facer sempre de forma "equilibrada" e tendo como principios básicos o respecto á pluralidade e os dereitos lingüísticos de todos os cidadáns.

Fonte: El Correo

Case un centenar de profesores universitarios subscribiron un manifesto no que critican que o sistema educativo vasco está "tratando de impoñer uns criterios ideolóxicos determinados" que prexudican o éuscaro.

Fonte: El País

Escola Valenciana presentou o pasado 1 de xuño una queixa ante o Síndic de Greuges polos problemas que teñen os pais para matricular os seus fillos en valenciano. O Síndic, José Cholbi, non só acepta a queixa, senón que anuncia a apertura dunha investigación.

Fonte: El País

A Secretaría de Política Lingüística da Consellería da Vicepresidencia da Generalitat de Catalunya abriu un espazo dentro da web 'Llengua Catalana' para que as empresas incorporen actuacións relacionadas co fomento do uso do catalán nos seus programas de responsabilidade social.

Fonte: Europa Press

A primeira edición do "Charraire Fest", celebrado o pasado 12 de xuño en Panticosa, presentouse como unha xornada participativa con múltiples actividades festivas e culturais arredor da "realidade trilingüe aragonesa".

Fonte: Diario del Alto Aragón

Valladolid vai abrir, antes do final do verán, unha Oficina da Lingua destinada a promover a capital de Castela e León como lugar de ensino do idioma español para estudantes estranxeiros.

Fonte: Expreso

A Secretaría Xeral de Política Lingüística da Xunta de Galicia participou estes días no encontro que a Network to Promote Linguistic Diversity (NPLD) organizou en Donostia e que tivo como eixe temático a aprendizaxe e o ensino de linguas para adultos.

Fonte: Xunta de Galicia

A Universidade de Salamanca puxo en marcha unha Mesa de Política Lingüística destinada ao fomento da diversidade lingüística e cultural e á potenciación da aprendizaxe de idiomas por parte da comunidade universitaria.

Fonte: ABC