O Partido Socialista de Euskadi rexistrou no Parlamento vasco unha iniciativa na que propón instar a Dirección de Radio Televisión Española (RTVE) a incorporar na súa páxina web a presenza do éuscaro, o catalán e o galego.

Fonte: A Nosa Terra

Linguamón-Casa das Linguas inicia unha campaña de comunicación para promover os valores do multilingüismo. Ata o 18 de abril, Televisión de Cataluña emitirá un anuncio sobre Linguamón-Casa das Linguas nas franxas horarias da mañá e da tarde, e tamén durante o telexornal do mediodía.

Fonte: Linguamón

O portal de reservas Viajes AcceSIbles ('www.viajes2000accesibles.es') ampliou a súa oferta de destinos internacionais para persoas xordas a destinos como Uzbekistán, China, Escandinavia ou o Oeste Americano e, ademais, irán acompañadas por un guía especializado en lingua de signos española.

Fonte: Europa Press

Vicente Gotor, reitor da Universidade de Oviedo, presentou o novo portal web da institución, que por primeira vez vai poder consultarse en lingua asturiana, ademais de en castelán e en inglés.

Fonte: Asturnews

O Goberno vasco aprobou a sinatura de convenios con diferentes universidades de América Latina para o impulso do coñecemento da lingua e a cultura vascas máis alá do seu propio ámbito.

Fonte: Euskadi.net

Un 44 % dos centros da Comunidade Valenciana ofrecen este curso a posibilidade de estudar nos programas de ensino en valenciano, unha cifra que "non se corresponde" coas peticións reais. De feito, se a oferta se equipara á demanda, entre 60.000 e 80.000 alumnos máis de infantil e primaria poderían cursar os seus estudos nesta lingua, segundo as estimacións realizadas por Escola Valenciana.

Fonte: 20minutos

O feito de compartir fronteira e de que unha alta porcentaxe dos inmigrantes que residen en Castela e León procedan de Portugal levou a que a Consellería de Educación decidise promover o estudo da lingua portuguesa como segundo idioma estranxeiro no terceiro ciclo de primaria e con opcións de convertela no primeiro.

Fonte: Diario de Burgos

Parla.cat xa ten accesibles todos os cursos de suficiencia. Complétase así o cuarto e último nivel deste contorno de aprendizaxe de catalán en liña, desenvolvido pola Secretaría de Política Lingüística do Departamento da Vicepresidencia e o Instituto Ramon Llull, en colaboración co Consorcio para a Normalización Lingüística.

Fonte: Generalitat de Catalunya

A Deputación de Guipúscoa inaugurou un sistema que pretende normalizar a comunicación entre as persoas xordas e os servizos sociais do ente foral. Trátase dun mecanismo de tradución simultánea mediante cámara web que estará dispoñible na Área de Atención á Dependencia do Departamento de Política Social.

Fonte: Noticias de Gipuzkoa

O Goberno deixou sentadas as bases para que os médicos especialistas extracomunitarios poidan exercer en España. Un real decreto establece que deberán acreditar o "coñecemento correcto do castelán".

Fonte: El País