España
Canal 9 estrea un espazo sobre usos populares do valenciano en clave de humor
Canal 9 estrea o programa “Trau la Llengua”, un espazo que se centrará, facendo uso do humor, na cultura e, especialmente, na lingua valenciana, utilizando como base as súas palabras e expresións populares.
Fonte: ABC
Só dúas de cada dez familias vascas utilizan o éuscaro para comunicarse
Preguntados pola lingua na que acostuman falar habitualmente coa familia, o 77% dos vascos responde que “única ou principalmente” en castelán. O 11% faino en éuscaro e castelán indistintamente e outro 11% principalmente en éuscaro, co que son só dúas de cada dez familias as que utilizan esta lingua.
Fonte: Noticias de Gipuzkoa
España premia a sete colexios bilingües dos Estados Unidos pola súa promoción do español
O ministro de Educación de España premiou a sete colexios bilingües dos Estados Unidos pola súa promoción da lingua e a cultura españolas a través de programas de inmersión na educación primaria e secundaria.
Fonte: European Pressphoto Agency
Os docentes estremeños poderán obter a habilitación lingüística en idiomas estranxeiros
O Executivo autorizou o decreto polo que se regula o procedemento para a obtención da habilitación lingüística para profesorado de centros públicos de educación infantil, primaria e secundaria para postos catalogados bilingües.
Fonte: Región digital
Centos de persoas maniféstanse polas rúas de Oviedo para pedir a oficialidade do asturiano
Centos de persoas manifestáronse polas rúas de Oviedo para pedir a oficialidade da lingua asturiana, no acto reivindicativo que, coma todos os anos, convoca a asociación Conceyu Abiertu pola Oficialidá no Día das Letras.
Fonte: 20 minutos
Os Premios Extraordinarios de Bacharelato do País Vasco incluirán cursos de linguas no estranxeiro
O Goberno vasco convocou os Premios Extraordinarios de Bacharelato, cuxos gañadores poderán participar nun programa de aprendizaxe de diversas linguas no estranxeiro e se repartirán 14.000 euros.
Fonte: 20 minutos
O hospital Virxe do Rocío de Sevilla forma a un grupo de profesionais voluntarios en lingua de signos
O Hospital Universitario Virxe do Rocío formalizou a constitución do grupo de profesionais voluntarios que acompañará, cando se identifique necesario, o paciente xordo durante os diferentes momentos da asistencia sanitaria que este precise.
Fonte: Sevilla Actualidad
O Goberno de Navarra destina un orzamento 11 veces menor para fomentar o éuscaro que para as linguas foráneas
Nos últimos cinco anos, o orzamento do Goberno de Navarra destinado á promoción do éuscaro reduciuse un 81% mentres que a partida dirixida ao fomento das linguas estranxeiras creceu un 124%.
Fonte: Noticias de Navarra
Oito de cada dez españois non teñen un título que acredite o seu nivel de inglés
O 83 por cento dos españois non conta cun título ou certificación oficial que acredite o seu nivel de coñecemento de inglés, segundo un estudo presentado pola editorial Océano Idiomas, do que tamén se desprende que só o 7 por cento dos enquisados cre que ten un nivel de inglés adecuado para manter unha conversa fluída neste idioma.
Fonte: ABC
Kontseilua observa un «retroceso» na promoción do éuscaro
O Consello dos Organismos Sociais do Éuscaro, Kontseilua, denuncia que as administracións «non avanzaron na normalización do éuscaro» e tomaron medidas que «poden ser consideradas un retroceso», como reducir as axudas para o seu estudo.
Fonte: Diario Vasco
Boletín
Subscríbase ao boletín
