España
Un 75% das ofertas de traballo para perfís altos esixe o coñecemento dun segundo idioma
Un 75% das actuais ofertas de traballo para perfís sénior e altos esixen como requirimento indispensable o coñecemento dun segundo idioma, segundo o Informe Randstad Professionals, que analizou a situación actual do mercado laboral para este segmento de traballadores e o seu reflexo directo na contratación.
Fonte: Expansión
O Goberno de Navarra e a Academia da Lingua Vasca prorrogan o seu convenio
O Goberno de Navarra e a Real Academia da Lingua Vasca (Euskaltzaindia) prorrogaron o convenio de colaboración entre ambas as institucións para o ano 2011. Segundo recolle o convenio, o Goberno de Navarra destinará este ano 149.000 euros para financiar as actividades referentes ao éuscaro que a Academia desenvolve na Comunidade Foral.
Fonte: ABC
Escola Valenciana organizará 19 encontros durante o próximo curso para reivindicar o uso do valenciano na educación
Escola Valenciana organizará 19 encontros durante o próximo curso para reivindicar o uso do valenciano na educación e conmemorar o centenario do nacemento de Enric Valor, a quen dedicarán todas estas mobilizacións baixo o lema “O valor do valenciano”.
Fonte: ABC
A Plataforma pola Lingua e asociacións de emigrantes farán un vídeo musical que reivindique o catalán como elemento de inclusión
A Plataforma pola Lingua e unha vintena de asociacións de emigrantes participarán os próximos días 15 e 16 de abril na gravación dun vídeo musical co obxectivo de reivindicar o papel do catalán como “elemento de inclusión” das persoas que chegan doutros países.
Fonte: ABC
O responsable de Política Lingüística de Galicia anima o alumnado do Proxecto Galauda a continuar aprendendo galego en Cataluña
O responsable de Política Lingüística da Xunta de Galicia, Anxo Lorenzo, animou os alumnos e alumnas que participan no Proxecto Galauda a continuar estudando galego en Cataluña.
Fonte: Xunta de Galicia
A Secretaría de Política Lingüística de Galicia e o Institut Ramon Llull exploran canles para a difusión do galego e do catalán
O secretario xeral de Política Lingüística da Xunta de Galicia, Anxo Lorenzo, reuniuse co director do Institut Ramon Llull, Vicenç Villatoro, unha entidade que ten como obxectivos prioritarios a promoción e difusión da lingua e da cultura catalás no exterior.
Fonte: Xunta de Galicia
Caja Laboral e cinco municipios guipuscoanos comprométense a fomentar o éuscaro
Os concellos guipuscoanos de Andoain, Astigarraga, Hernani, Lasarte e Urnieta subscribiron un convenio con Caja Laboral para fomentar o emprego do éuscaro.
Fonte: ABC
Os responsables de Política Lingüística de Galicia e de Cataluña manteñen o seu primeiro encontro institucional
O secretario xeral de Política Lingüística da Xunta de Galicia, Anxo Lorenzo, reuniuse coa súa homóloga en Cataluña, Yvonne Griley. Durante o encontro, que tivo lugar na sede do departamento da Generalitat de Cataluña, en Barcelona, os dous responsables intercambiaron puntos de vista sobre os proxectos nos que colaboran actualmente.
Fonte: Xunta de Galicia
O 56 % dos cataláns utiliza o castelán como lingua habitual
Máis da metade dos cidadáns de Cataluña, un 56 %, ten o castelán como lingua de uso habitual, mentres que case catro de cada 10 (un 39,5 %) emprega o catalán como idioma habitual.
Fonte: El Periódico
Xa está dispoñible a primeira gramática do éuscaro en internet
A primeira gramática do éuscaro en internet xa está dispoñible na rede (www.ehu.es/seg). A aplicación, de acceso gratuíto, inclúe 25 millóns de palabras e enlaces con exemplos do seu uso tanto na literatura e na prensa vasca, coma na televisión.
Fonte: Elcorreo.com
Boletín
Subscríbase ao boletín
