España
A oferta de grupos de inglés na Universidade Pública de Navarra chega a 65 materias de seis graos
A oferta de grupos de inglés na Universidade Pública de Navarra crecerá o próximo curso case un 63% con respecto ao pasado ano, ao pasar de 40 a 65 materias impartidas nesta lingua.
Fonte: Noticias de Navarra
As materias en éuscaro da Universidade Pública de Navarra seguen crecendo e pasan de 117 a 152
O número de materias que a Universidade Pública de Navarra imparte en éuscaro segue a súa tendencia ascendente de cara ao próximo curso, aínda que o ritmo de crecemento é moito menor que o rexistrado en 2010-2011. En concreto, a oferta de materias en éuscaro aumentará un 30%, ao pasar de 117 a 152.
Fonte: Noticias de Navarra
A Real Academia Española crea unha unidade para canalizar as críticas sobre o Dicionario
A Real Academia Española creou unha unidade para canalizar as críticas e propostas relacionadas co Dicionario, que serán estudadas de inmediato e incorporadas á edición dixital, se se consideran adecuadas.
Fonte: La Voz de Galicia
A Universidade das Illas Baleares cre que o peche de Radio Televisión de Mallorca viola a Lei de normalización lingüística
Os departamentos de Filoloxía Catalá e Lingüística Xeral da Universidade das Illas Baleares fixeron público un manifesto no que expresan a súa oposición ao peche de Radiotelevisión de Mallorca e advirten ao Consell que ten a obriga de cumprir coa Lei de normalización lingüística, que recolle o deber da Administración de promover o coñecemento e o desenvolvemento da lingua e cultura catalás nos medios de comunicación.
Fonte: Telecinco
Unha web permite descargar música vasca de internet
Ibaimusic.com reúne por primeira vez nun portal de internet toda a música feita en Euskadi, tanto en éuscaro coma en castelán, para a súa descarga.
Fonte: Diario Vasco
O Goberno vasco creará un rexistro unificado de títulos de éuscaro
O Goberno vasco creará a través dunha norma o Rexistro Unificado de Certificados e Títulos de Éuscaro (RUTCE) que expiden ou xestionan diferentes organismos e administracións.
Fonte: Diario Vasco
A Asociación de Xuristas polo Asturiano pídelle ao Goberno de Asturias a redacción bilingüe dos impresos da Administración
No seu escrito, dirixido ao presidente e ao conselleiro de Cultura, os xuristas fixan que este é o momento apropiado para facelo porque moitos deles deben prepararse para as novas competencias de consellerías, viceconsellerías e direccións xerais.
Fonte: Info Asturies
A cooficialidade do aranés en Cataluña está en perigo
Desde 2010, o occitano é lingua oficial en Cataluña xunto ao castelán e o catalán. Agora o goberno puxo en dúbida a constitucionalidade da medida.
Fonte: Suite 101
Castelló está á cabeza no uso de nomes en valenciano
Segundo o Instituto Nacional de Estatística, entre os vinte nomes máis frecuentes nos varóns nacidos entre 2000 e 2009, só aparecen catro nomes exclusivamente en valenciano na provincia de Castelló (Marc, Pau, Àlex e Joan), tres en Valencia (Marc, Pau e Joan, nos postos 14, 15 e 19) e ningún en Alacant.
Fonte: Levante-emv
Un de cada cinco vascos utiliza internet en éuscaro e inglés
Un de cada cinco vascos de 15 ou máis anos que utiliza internet faino en éuscaro e inglés, segundo datos do Eustat correspondentes ao primeiro trimestre do ano.
Fonte: Europa Press
Boletín
Subscríbase ao boletín
