O presidente de Acción Cultural do País Valenciano (ACPV), Eliseu Climent, pediulle ao Estado que aplique a Carta Europea das Linguas que permite a interconexión entre radios e televisións públicas que se expresan en catalán, galego e vasco.

Fonte: Galicia Hoxe

Máis de 300 estudantes aprenderon lingua e cultura galegas en universidades do País Vasco durante o curso académico 2010-2011. Fixérono a través dos centros de estudos galegos cos que conta actualmente a Secretaría Xeral de Política Lingüística na Universidade do País Vasco (UPV) e mais na Universidade de Deusto.

Fonte: Xunta de Galicia

O director xeral de Asuntos Relixioso sinala que os líderes espirituais “deben facer un esforzo para integrarse na cultura e falar a lingua propia [de Cataluña], sexa cal sexa a súa lingua de orixe, para evitar, precisamente, posibles guetos”.

Fonte: La Voz de Barcelona

A Federación de Asociacións Culturais de Aragón Oriental (FACAO) únese á demanda da Plataforma Aragonesa “Non Falamos Catalán” para solicitar a “inmediata” modificación da Lei de patrimonio para substituír a referencia á lingua catalá pola lingua aragonesa e as súas modalidades.

Fonte: Europa Press

Que se domine o castelán, éuscaro e unha terceira lingua, principalmente, inglés. Este é o obxectivo do proxecto educativo trilingüe que pretende estender o Goberno vasco. Ás 40 escolas nas que xa se imparte a experiencia de educación trilingüe de forma piloto, o ano que vén sumaranse 78 novos centros, entre públicos e privados.

Fonte: ADN

O modelo actual valenciano de tres liñas –ensino vehicular en castelán, en valenciano ou mixto- irase adaptando progresivamente a partir do próximo curso a “un modelo único a semellanza do galego”, no que non se poderá impartir menos dun terzo de castelán e de valenciano nin máis dun terzo de inglés.

Fonte: El País

A Viceconsellería de Política Lingüística do Goberno vasco publicou 14 novos dicionarios terminolóxicos aprobados pola Comisión de Terminoloxía do Consello Asesor do Éuscaro. Ademais, completou a nova versión do Banco Terminolóxico Público Vasco Euskalterm, utilizando diferentes interfaces e dotándoo de novas funcións.

Fonte: Europa Press

Outra novidade do novo modelo lingüístico valenciano é que permite ás familias con residencia temporal en zonas valencianofalantes a exención do ensino na lingua autóctona se o solicitan.

Fonte: Levante-emv

O Centro de Normalización Lingüística ten como finalidade investigar, fomentar e difundir a lingua de signos española, así coma velar polo bo uso desta.

Fonte: Diario Siglo XXI

O obxectivo é que, en catro anos, arredor de 20.000 profesores do sistema público e concertado, un terzo aproximadamente do total, conten coa habilitación para impartir materias en inglés e cumprir así co novo modelo trilingüe.

Fonte: ABC