España
Un estudo da Universidade de Xirona conclúe que un alumno estranxeiro tarda seis anos en dominar o idioma coma un nativo
Dous investigadores da Universidade de Xirona avaliaron o coñecemento de catalán e castelán de 153 alumnos cuxa lingua materna é o árabe, 45 romaneses e 259 latinoamericanos de sexto de primaria (11-12 anos), procedentes de 52 escolas catalás. Así, conclúen que “os mellores resultados obtenos o alumnado que se escolarizou en catalán” entre os 3 e os 6 anos.
Fonte: La Vanguardia
O Tribunal Superior de Xustiza de Baleares avala que se esixa o catalán para ser funcionario
O Tribunal Superior de Xustiza de Baleares avalou o decreto aprobado polo Goberno anterior da comunidade, que esixía un alto nivel de coñecemento do catalán a todos os funcionarios públicos das illas.
Fonte: Diario de Ibiza
Un estudo medirá o uso do éuscaro nas rúas de Llodio
Hai dez anos que non se mide o uso do éuscaro nas rúas de Llodio. No que queda deste ano e o próximo, realizarase un estudo pormenorizado para coñecer cantas persoas utilizan o éuscaro nas súas relacións cotiás.
Fonte: El Correo
As ikastolas fan unha defensa da inmersión lingüística en éuscaro
O presidente das ikastolas, Koldo Tellitu, avogou por lograr en Euskadi “consensos como o de Cataluña” para implantar a inmersión lingüística en éuscaro nas aulas vascas “no nome da cohesión social”.
Fonte: El Correo
O Consello Escolar do País Vasco avala que o alumnado en éuscaro non necesite acreditar perfil lingüístico
O Consello Escolar de Euskadi deu o visto e prace ao decreto do Goberno vasco no que se establece que os alumnos que estuden máis do 50 % das materias en éuscaro quedarán exentos de acreditar títulos sobre o coñecemento desa lingua nos procesos de selección da Administración pública.
Fonte: El Correo
A Fundación Elhuyar pon en marcha cinco dicionarios para móbiles
Coincidindo co Día Europeo das Linguas, a Fundación Elhuyar presentou a versión para móbil de cinco dos seus dicionarios.
Fonte: EITB
A Generalitat, o Gremio de Empresarios de Cines de Cataluña e Fedicine acordan incrementar o cine en catalán
O Departamento de Cultura, o Gremio de Empresarios de Cine de Cataluña e a Federación de Distribuidores Cinematográficos Fedicine presentaron o acordo ao que chegaron as tres institucións para incrementar a presenza da lingua catalá nas pantallas de cine.
Fonte: Cine y Tele
Os consellos asesores de RTVE e a Corporación Catalá de Medios Audiovisuais defenden a normalización do catalán
Os consellos asesores de Radio Televisión Española (RTVE) en Cataluña e da Corporación Catalá de Medios Audiovisuais (CCMA) defenderon que os medios públicos sexan un instrumento de normalización lingüística do catalán.
Fonte: El Correo
O conselleiro asturiano de Cultura anuncia un Plan de normalización 2012-2015 para a lingua asturiana
Na súa comparecencia ante o Parlamento asturiano, na que fixo un repaso dos feitos que van marcar a súa política, o conselleiro anunciou que o Goberno asturiano desenvolverá a Lei de uso e iniciará un Plan de normalización.
Fonte: Asturies.com
“Pa negre” será a primeira película en catalán en representar a España nos Óscar
A película “Pa negre”, de Agustí Villaronga, foi seleccionada pola Academia de Cine para representar a España na categoría de mellor película de fala non inglesa na 84 edición dos Óscar, converténdose na primeira película rodada en catalán en logralo.
Fonte: Agencia EFE
Boletín
Subscríbase ao boletín
