España
A Fundación CCM achega a lingua inglesa aos mozos de Castela-A Mancha
Un total de 876 nenos e mozos castelanmanchegos aprenderán inglés este verán cos cursos «Speak English» que ofrece a Fundación Caixa Castela-A Mancha en Irlanda, Canada e España. Trátase dun programa consolidado que conta coa colaboración do Banco CCM.
Fonte: ABC
A defensa da Lei de uso do valenciano ante Europa aglutina máis apoios
O polémico borrador do decreto do Goberno valenciano foi denunciado por diversas entidades culturais ante expertos do Consello de Europa por considerar que favorece un “uso irregular” da lingua minoritaria e “incumpre” a Carta Europa das Linguas Rexionais e Minoritarias.
Fonte: El País
A Academia Valenciana da Lingua edita un vocabulario económico
A Academia Valenciana da Lingua (AVL) presentou un vocabulario económico que conta con máis de 5.000 termos e as súas correspondentes definicións.
Fonte: ABC
A Generalitat de Catalunya destina 80.000 euros a promover as teses de doutoramento en catalán
A Secretaría de Universidades e Investigación da Generalitat de Catalunya, a través da Axencia de Xestión de Axudas Universitarias e de Investigación (Agaur), destinará 80.000 euros a uns 160 doutorandos que defenderan a súa tese en catalán durante 2010.
Fonte: Europa Press
Case mil estudantes Erasmus queren facer cursos de catalán gratis
O secretario executivo da Xarxa Vives, Ignasi Casadesús, informou nunha rolda de prensa en Barcelona de que os 957 estudantes que pediron estudar catalán supoñen un incremento do 43 % respecto ao ano anterior.
Fonte: ABC
As grandes distribuidoras do cine volverán dobrar en catalán
Os distribuidores e a Consellería de Cultura selan a paz. Dobraranse ao catalán entre 35 e 40 títulos de éxito ao ano e o festival de Sitges volverá ter filmes de grandes estudios, tras o veto da última edición.
Fonte: La Vanguardia
O 50 % dos ertzainas liberados acada o perfil de éuscaro do seu posto
Ata o pasado mes de xuño, o total de ertzainas que teñen acreditado o perfil lingüístico da súa dotación é de 2.760, é dicir, o 34,5 por cento do total.
Fonte: ABC
O Campus de Las Llamas inaugura esta semana a V edición do Máster ELE
O Campus de Las Llamas da Universidade Internacional Menéndez Pelayo (UIMP) inaugurará a quinta edición do “Máster Universitario en Ensino do Español como Lingua Estranxeira".
Fonte: 20 minutos
A web Rede contra a Violencia de Xénero ofrece información en lingua de signos
A información dispoñible, que se pode consultar no enderezo "www.rednoviolenciagex.com", está estruturada en varios bloques que dan resposta ás dúbidas máis frecuentes sobre a denuncia, a orde de protección e os recursos dispoñibles.
Fonte: ABC
O Goberno subvenciona con dous millóns de euros a promoción do valenciano no cine
Así consta no convenio asinado entre o Instituto da Cinematografía e das Artes Audiovisuais (ICAA), dependente do Goberno central, e o Instituto Valenciano do Audiovisual e a Cinematografía Ricardo Muñoz Suay (IVAC), dependente da Administración autonómica.
Fonte: ABC
Boletín
Subscríbase ao boletín
