O Executivo autorizou o decreto polo que se regula o procedemento para a obtención da habilitación lingüística para profesorado de centros públicos de educación infantil, primaria e secundaria para postos catalogados bilingües.

Fonte: Región digital

Centos de persoas manifestáronse polas rúas de Oviedo para pedir a oficialidade da lingua asturiana, no acto reivindicativo que, coma todos os anos, convoca a asociación Conceyu Abiertu pola Oficialidá no Día das Letras.

Fonte: 20 minutos

O Goberno vasco convocou os Premios Extraordinarios de Bacharelato, cuxos gañadores poderán participar nun programa de aprendizaxe de diversas linguas no estranxeiro e se repartirán 14.000 euros.

Fonte: 20 minutos

O Hospital Universitario Virxe do Rocío formalizou a constitución do grupo de profesionais voluntarios que acompañará, cando se identifique necesario, o paciente xordo durante os diferentes momentos da asistencia sanitaria que este precise.

Fonte: Sevilla Actualidad

Nos últimos cinco anos, o orzamento do Goberno de Navarra destinado á promoción do éuscaro reduciuse un 81% mentres que a partida dirixida ao fomento das linguas estranxeiras creceu un 124%.

Fonte: Noticias de Navarra

O 83 por cento dos españois non conta cun título ou certificación oficial que acredite o seu nivel de coñecemento de inglés, segundo un estudo presentado pola editorial Océano Idiomas, do que tamén se desprende que só o 7 por cento dos enquisados cre que ten un nivel de inglés adecuado para manter unha conversa fluída neste idioma.

Fonte: ABC

O Consello dos Organismos Sociais do Éuscaro, Kontseilua, denuncia que as administracións «non avanzaron na normalización do éuscaro» e tomaron medidas que «poden ser consideradas un retroceso», como reducir as axudas para o seu estudo.

Fonte: Diario Vasco

A Fundación Comillas e a Universidade Gama Filho, unha das institucións académicas máis importantes do Brasil, que cada ano forma a máis de 3.000 alumnos, asinaron un convenio para promover o ensino do español no país suramericano.

Fonte: ABC

Máis de 400 persoas xordas reuníronse en Xaén para asistir á cuarta edición do Festival da Canción en Lingua de Signos Española organizado pola Asociación Provincial de Persoas Xordas de Xaén (APROSOJA).

Fonte: Diario Signo

O Departamento de Cultura colaborará coas empresas editoriais mediante a concesión de subvencións destinadas a sufragar os gastos derivados da edición en éuscaro, co fin de estimular a súa difusión e incentivar a publicación de obras literarias en éuscaro.

Fonte: Europa Press