España
O Tribunal Supremo anula as cotas mínimas de alumnos para cursar asturiano na ESO
O Tribunal Supremo anulou o requirimento mínimo de oito alumnos que establecera o Goberno rexional para ofertar o ensino de asturiano na Educación Secundaria Obrigatoria (ESO).
Fonte: ABC
O ensino bilingüe chega o próximo curso a 122 colexios e 11 000 alumnos da Rexión de Murcia
A rede de colexios bilingües esténdese polo mapa da Rexión de Murcia. O próximo curso serán 122 os centros públicos e concertados que dean os bos días en inglés aos seus novos alumnos de Primaria. A Consellería de Educación seleccionou a trinta colexios, oito deles concertados, para que se sumen ao programa o próximo setembro.
Fonte: La Verdad
A produción científica en éuscaro da Universidade do País Vasco non representa nin o 10 % das teses
No curso 2010/2011 os investigadores da Universidade do País Vasco defenderon un total de 332 teses (60 con mención europea), das que unicamente 30 foron redactadas en éuscaro, o que representa un escaso 9,03 %.
Fonte: Deia
Unha campaña anima a matricular os nenos nas liñas de ensino en valenciano para facilitar a aprendizaxe doutras linguas
Escola Valenciana iniciou unha campaña para animar os pais a matricular os seus fillos nas liñas en valenciano porque, entre outros motivos, a educación na lingua da Comunidade “facilita” a aprendizaxe doutros idiomas.
Fonte: ABC
A asociación Xarmenta teme que os recortes afecten ao ensino do galego no Bierzo
A Asociación Berciana da Lingua, Xarmenta, manifestou os seus temores porque os recortes que se están aplicando en Educación poidan afectar ao programa de ensino do galego nos centros do Bierzo.
Fonte: Diario de León
O 41,3 % dos alumnos de Eivisa e Formentera non fala catalán fóra do colexio
O 41,3 por cento dos alumnos de cuarto curso de Primaria de Eivisa e Formentera non utiliza para nada o catalán fóra do colexio, segundo detalla o informe do Instituto de Avaliación de Calidade do Sistema Educativo, organismo dependente da Consellería balear de Educación.
Fonte: Diario de Ibiza
Os gobernos vasco e navarro colaborarán na protección e desenvolvemento do éuscaro
Os gobernos vasco e navarro asinarán un convenio de colaboración en diversas materias relacionadas coa protección e desenvolvemento do éuscaro.
Fonte: Europa Press
O Goberno vasco destina 1 152 000 euros á promoción, difusión e normalización do éuscaro na sociedade
O Consello de Goberno vasco aprobou a orde pola que se regula e convoca a concesión de subvencións para a promoción, difusión e/ou normalización do éuscaro na sociedade.
Fonte: Europa Press
Xesús Vázquez Abad enxalza a figura de Valentín Paz-Andrade nun encontro coa Asociación de Empresarios Galegos de Cataluña
O conselleiro de Cultura, Educación e Ordenación Universitaria, Xesús Vázquez Abad, participou nun encontro coa Asociación de Empresarios Galegos en Cataluña (AEGA-CAT).
Fonte: Xunta de Galicia
Arredor de 50 000 alumnos de Baleares poderán escoller a primeira lingua de ensino durante o próximo curso
Arredor de 50 000 alumnos do segundo ciclo de Infantil -3,4 e 5 anos- e primeiro ciclo de Primaria -6 e 7 anos- terán a posibilidade de escoller a primeira lingua do seu ensino durante o próximo curso escolar 2012-2013.
Fonte: Europa Press
Boletín
Subscríbase ao boletín
