O 28% das ofertas de emprego que se barallan no mercado laboral na actualidade esixen o coñecemento dunha lingua estranxeira, o que supón unha subida do 1,3% con respecto a 2010.

Fonte: Europa Press

Unha enquisa sociolingüística encargada polo Goberno vasco pon de manifesto que en 20 anos o número de persoas bilingües maiores de 16 anos creceu en 185.600 novos euskaldúns ata representar un 27% da poboación total da Comunidade Autónoma Vasca, Comunidade Foral de Navarra e Iparralde.

Fonte: Noticias de Navarra

Unha páxina web favorecerá un mellor coñecemento por parte das persoas xordas da Constitución Español, ao mostrar todo o seu contido nas linguas de signos española e catalá, e incorporar tamén a versión en castelán deste documento.

Fonte: La Información

A xunta de voceiros do Parlamento de Cataluña aprobou unha declaración na que defende a unidade do catalán e denuncia as “denominacións impropias que, ao seu ver, contraveñen os principios científicos e académicos” que impulsan os gobernos de Aragón e as Illas Baleares.

Fonte: Levante-emv

O Consello Asesor do Éuscaro aprobou o novo plan de acción para a promoción da lingua vasca, dotado de 330 accións, cuxo obxectivo principal é fortalecer o seu uso entre a cidadanía.

Fonte: ABC

A páxina web de éuscaro da páxina web municipal (www.ermua.es) ofrece servizos gratuítos para toda a poboación que os necesite. Con eles pódese desde traducir un texto en éuscaro ata aprender o idioma en liña, coñecer ofertas de emprego e as actividades que se desenvolven en éuscaro no municipio.

Fonte: El Correo

O Concello de Pamplona destina 1.728 euros a axudas pola asistencia a cursos de aprendizaxe de éuscaro en réxime de internado en 2012 (barnetegis), unhas subvencións que os veciños da capital poden solicitar ata o 12 de novembro.

Fonte: ABC

As 21 universidades dos territorios de fala catalá adscritas á Xarxa Vives, entre as que se atopan a de Barcelona, a de Valencia e a das Illas Baleares, emitiron un comunicado conxunto en defensa da lingua, pedindo que esta non sexa obxecto de “tacticismos políticos”.

Fonte: ABC

Iberdrola acaba de incorporar o servizo de vídeo interpretación ‘SVIsual’ en lingua de signos no seu servizo de atención ao cliente de forma que as persoas xordas ou con algún grao de dificultade auditiva poderán pórse en contacto coa compañía a través de intérpretes de linguas de signos.

Fonte: 20 Minutos

Por termo medio, o 55% dos profesores que participan no programa Irale para aprender éuscaro aproban o perfil lingüístico para o que se presentan no mesmo ano en que participan nos cursos fóra do horario lectivo ou deixan as aulas grazas a unha liberación para centrarse neste obxectivo.

Fonte: El País