España
Cataluña esixirá nocións de catalán aos inmigrantes para obter o informe de estranxeiría
O arraigo dos inmigrantes valorarase en función de se o solicitante “coñece suficientemente a sociedade catalá e ten as competencias comunicativas básicas nas linguas oficiais de Cataluña e se participou en servizos de acollida ou na rede asociativa”.
Fonte: ABC
Guipúscoa usará a campaña da renda para crear un censo de euscaldúns
A Deputación de Guipúscoa preguntará aos contribuíntes se desexan relacionarse exclusivamente en éuscaro coa institución foral durante a campaña da declaración da renda, co que elaborarán un censo “voluntario” de vascofalantes.
Fonte: ABC
A Universidade das Illas Baleares maniféstase a favor da lingua catalá
A Universidade das Illas Baleares (UIB) emitiu un escrito a favor da lingua catalá en que, “como institución oficial consultiva para todo o que se refire á lingua catalá”, de acordo co Estatuto de Autonomía, manifesta “a súa preocupación e a súa desconformidade” a raíz das últimas actuacións do Goberno balear en materia lingüística.
Fonte: La Información
Desenvolven un programa que “catalaniza” os sistemas de Microsoft Windows
A asociación Softcatalà presentou en Barcelona o programa “Catalanizador” para os sistemas de Microsoft Windows, que permite de forma sinxela cambiar a súa configuración para poder utilizar o catalán como lingua principal nestes contornos informáticos.
Fonte: Finanzas
Os alumnos de Infantil de Asturias terán dúas ou tres horas de inglés á semana
A lingua estranxeira será obrigatoria nos colexios do Principado de Asturias para os nenos de tres anos a partir do curso que vén.
Fonte: El Comercio
Os alumnos vascos que estuden éuscaro estarán exentos de acreditar títulos
Os alumnos vascos que conclúan os seus estudos cun nivel de éuscaro que varía en función de cada ciclo educativo estarán exentos de acreditar determinados títulos lingüísticos homologados nesta lingua.
Fonte: ABC
Máis de 50 000 persoas saen á rúa en Palma para defender o catalán
Máis de 50 000 persoas das Illas Baleares saíron á rúa para denunciar os "ataques á lingua catalá” que está realizando o Goberno de Xosé Ramón Bauzá.
Fonte: La Vanguardia
A Deputación de Guipúscoa aspira a ofrecer todos os seus servizos en éuscaro en 2015
A Deputación de Guipúscuoa espera poder ofrecer todos os seus servizos en éuscaro en 2015, ano en que prevé emendar «os puntos débiles» detectados na atención da institución foral aos cidadáns neste idioma.
Fonte: Diario Vasco
Un total de 34 universidades españolas propón un modelo común de acreditación de idiomas
A Asociación de Centros de Linguas da Educación Superior (Acles), formada por 34 universidades públicas e privadas, propuxo un modelo común de criterios de acreditación de coñecemento de linguas estranxeiras para facilitar a internacionalización no Espazo Europeo de Educación Superior.
Fonte: Magisnet
O 60 % dos vascos realiza os seus estudos integramente en éuscaro
O 17 % dos escolares vascos optou no curso 2010/2011 polo modelo A co éuscaro como materia, o 22 % escolleu o modelo B e o 60 % cursou os seus estudos integramente en éuscaro, a través do modelo D, segundo datos facilitados polo Instituto Vasco de Estatística.
Fonte: Diario Vasco
Boletín
Subscríbase ao boletín
