España
Os medios de comunicación privados en éuscaro piden un cambio nas axudas públicas ao sector
Os medios privados de comunicación en éuscaro cren que é necesario que as institucións públicas "adapten" a súa política de axudas para fomentar os investimentos e o desenvolvemento deste sector, que está afrontando esta crise "mellor" que os seus "homólogos das linguas maioritarias".
Fonte: Diario Vasco
A Real Academia Española homenaxea o éuscaro por primeira vez nos seus 300 anos
"O éuscaro non é un muro, senón unha ponte". Esta mensaxe da directora do Instituto Etxepare, Aizpea Goenaga, tivo unha caixa de resonancia especial, o Salón de Plenos da Real Academia Española (RAE) que por primeira vez nos seus 300 anos de historia rendeu homenaxe ao éuscaro.
Fonte: Deia
Varios partidos políticos piden igualar a presenza do éuscaro e o castelán en Pamplona
Nafarroa Bai, Bildu e Izquierda-Ezkerra van presentar unha moción conxunta no Concello de Pamplona para pedir que se modifique a ordenanza de utilización do vasco de forma que "o éuscaro e o castelán teñan idéntica presenza na paisaxe lingüística competencia do Concello".
Fonte: Noticias de Navarra
O Parlamento catalán insta a Generalitat a fomentar a etiquetaxe en catalán e aplicar sancións
O Parlamento catalán aprobou unha moción de Solidariedade Catalá pola Independencia (SI) que insta o Goberno catalán a "cumprir e facer cumprir" a Lei do código de consumo de Cataluña, especialmente os artigos que falan dos dereitos dos consumidores á etiquetaxe en catalán.
Fonte: Europa Press
As liñas en valenciano manteranse co novo decreto de plurilingüismo
As liñas en valenciano manteranse co novo decreto de plurilingüismo que está elaborando a Consellería de Educación e que coexistirá cos actuais Programas de Inmersión Lingüística (PIL).
Fonte: El Mundo
Máis de cincuenta centros escolares de Baleares únense en defensa do catalán na educación
Máis de cincuenta centros de Primaria e Secundaria de Baleares uníronse xa á asemblea de mestres e profesores en catalán que se constituíu para defender esta lingua dos “ataques” que consideran que está sufrindo durante os últimos meses.
Fonte: El Mundo
O Goberno autonómico de Baleares deixará de esixir o catalán só a algúns aspirantes a funcionarios
O Consello de Goberno autonómico das Illas Baleares aprobou a modificación da Lei de función pública que establece que o coñecemento da lingua catalá deixará de ser un requirimento para acceder a determinados postos da función pública.
Fonte: La Voz de Barcelona
Máis de 400 alumnos de Barakaldo crean unha obra teatral para difundir o éuscaro
Máis de 400 alumnos de Barakaldo participaron nunha iniciativa municipal para difundir o uso do éuscaro, na que tiveron a oportunidade de crear unha obra teatral que representarán ao longo deste curso.
Fonte: Europa Press
Escola Valenciana declara que o proxecto con mellor resultado é a inmersión lingüística
Escola Valenciana pediulle á conselleira de Educación, María José Catalá, “claridade” na exposición do proxecto sobre plurilingüismo e considerou que a inmersión lingüística é o proxecto que “mellores resultados ofrece”.
Fonte: ABC
A Real Academia da Lingua Vasca-Euskaltzaindia defende as sancións lingüísticas só coma ‘último recurso’
O presidente da Real Academia da Lingua Vasca-Euskaltzaindia, Andrés Urrutia, defendeu un modelo “mixto” para protexer o éuscaro no ámbito do comercio, de forma que se combine a promoción desta lingua con medidas de arbitraxe ou ata sancións, aínda que estas deberían ser un “último recurso” para casos “extremos”.
Fonte: El Mundo
Boletín
Subscríbase ao boletín
