España
Os partidos cataláns e a sociedade civil de Cataluña manifestan o seu apoio á inmersión lingüística
Os partidos políticos cataláns –salvo o PP- e membros da Plataforma Somescola.cat –con representantes da sociedade civil- manifestaron o seu apoio á inmersión lingüística nas escolas catalás.
Fonte: La Información
O asturiano estará presente nun congreso en Portugal
Segundo informou a organización, a conferencia centrarase en repasar os riscos da globalización e as posibilidades que as novas tecnoloxías abriron para a lingua asturiana.
Fonte: La Voz de Asturias
O Tribunal Superior de Xustiza de Cataluña delibera se hai que incluír o español como lingua vehicular nos colexios
O Tribunal Superior de Xustiza de Cataluña (TSXC) empezou a deliberar sobre se as escolas catalás deben incluír o castelán como lingua vehicular xunto co catalán.
Fonte: El Periódico
As escolas de Cataluña manterán o catalán como lingua vehicular do ensino
As escolas de Cataluña manterán o catalán como lingua vehicular do ensino. O Tribunal Superior de Xustiza de Cataluña salvou o modelo de inmersión lingüística excepto para casos particulares que pidan educación en castelán.
Fonte: Diario Siglo XXI
Guipúscoa, cun 50 % de poboación bilingüe, é o territorio onde máis se usa o éuscaro
O 32 % dos vascos maiores de 16 anos é bilingüe, mentres que o 17,2 % é bilingüe pasivo, é dicir, entende o éuscaro pero por un ou outro motivo non o utiliza; unhas porcentaxes que en Guipúscoa chegan ao 49,9 % e 16,4 % respectivamente.
Fonte: Noticias de Gipúzkoa
A Obra Cultural Balear insta a saír á rúa en favor da lingua catalá
Co lema “sí, a la nostra llengua” (si, á nosa lingua), a Obra Cultural Balear e o Consello da Sociedade Civil convocaron unha manifestación a favor do catalán.
Fonte: Diario de Mallorca
Instan o Goberno Foral a que se expida o DNI tamén en éuscaro
O pleno do Parlamento de Navarra aprobou unha moción para que tanto o DNI coma o permiso de conducir se poidan expedir non só en castelán senón tamén en éuscaro, sempre desde o principio de voluntariedade.
Fonte: Diario de Navarra
Os dous candidatos a reitor da Universidade de Oviedo asinan un acordo para normalizar o asturiano
Os dous candidatos asinaron o Acordo Programático para a Política Lingüística na Universidade de Oviedo (2012-2016), o que garante que nos próximos anos sigan dándose pasos pola normalización do asturiano na institución.
Fonte: ABC
A Consellería de Educación e a Academia Valenciana da Lingua pactan o novo decreto de trilingüismo
O actual modelo de plurilingüismo baseado nas liñas en castelán, valenciano e os programas de inmersión lingüística (PIL) desaparece o próximo curso 2012-2013. Así o anunciou a conselleira de Educación, Formación e Emprego, María José Catalá, tras reunirse co presidente da Academia Valenciana da Lingua (AVL), Ramón Ferrer.
Fonte: El País
O Servizo Vasco de Saúde frea un programa de normalización do éuscaro
Malia que arredor do 37 % da cidadanía da Comunidade Autónoma Vasca pode utilizar o éuscaro como lingua de comunicación con total normalidade en todas as actividades cotiás, resulta todo un reto conseguir ser atendido por Osakidetza (o Servizo Vasco de Saúde) nesta lingua.
Fonte: Noticias de Gipuzkoa
Boletín
Subscríbase ao boletín
