España
Navarra celebrará a quinta edición do festival de humor en éuscaro ‘Irri Ziklo Bost 2012’
As actuacións celebraranse os xoves 17 e 24 de maio na Escola Navarra de Teatro, con entrada gratuíta. Cada día haberá dobre actuación dirixida ao público novo e adulto, dado que a obra teatral irá precedida dun monólogo ou dunha narración.
Fonte: Noticias de Navarra
As autonomías bilingües apoian a promoción da súa lingua propia mentres que as monolingües a consideran excesiva
A maioría de cidadáns de comunidades oficialmente bilingües cre que as políticas desenvolvidas polos executivos autonómicos para promover o coñecemento e o uso da lingua propia son “adecuadas”, mentres que desde as rexións monolingües as medidas se ven maioritariamente como “excesivas”.
Fonte: ABC
A Deputación de Biscaia concede unha subvención de 355 000 euros a Euskaltzaindia pola súa promoción do éuscaro
A Deputación Foral de Biscaia aprobou unha subvención de 355 000 euros a Euskaltzaindia, a Real Academia da Lingua Vasca, en resposta ao compromiso do Departamento de Cultura de apoiar proxectos que teñan por obxecto a promoción do éuscaro.
Fonte: Europa Press
Pamplona acolle a festa en favor do ensino público en éuscaro
Sortzen Ikasbatuaz celebra a festa a favor do ensino público en éuscaro coa que este ano tamén quere rexeitar os recortes educativos propostos en Navarra e que "van incidir negativamente na calidade do ensino".
Fonte: Europa Press
Critican o Festival de Cine de Xixón por non usar o topónimo asturiano do concello
O logo do Festival Internacional de Cine de Xixón non inclúe as siglas que se usaron noutras ocasións e onde si aparecía o topónimo asturiano (FICXixón), fronte ao nome completo do festival, onde tamén se usou a forma castelá de chamar a este concello asturiano.
Fonte: Asturnews
O Goberno catalán e o Consello Xeral de Arán crean o Consello de Política Lingüística do Aranés Occitano
A vicepresidenta do Goberno catalán e titular do Departamento de Gobernación e Relacións Institucionais, Joana Ortega, e o valedor do Pobo de Arán, Carlos Barrera, presidiron a segunda comisión bilateral celebrada desde a constitución do novo Consello Xeral de Arán, na que se creou o Consello de Política Lingüística do Aranés Occitano.
Fonte: Gencat
Un informe ve viable a integración do asturiano no currículo de Primaria e Secundaria
Un informe xurídico realizado a petición do Goberno do Principado determina que é viable tanto a creación da especialidade en Lingua Asturiana no currículo da Educación Primaria e Secundaria coma o desenvolvemento dun grupo docente específico para a súa impartición.
Fonte: El Comercio
O partido político aragonés CHA defenderá no Parlamento Europeo as linguas minoritarias de Aragón
O presidente da CHA (Chunta Aragonesista) defenderá en Estrasburgo as linguas minoritarias de Aragón, especialmente o aragonés, ante o “incumprimento” dos últimos gobernos autonómicos da Lei de linguas, do Estatuto de Autonomía e dos tratados internacionais.
Fonte: Diario Vasco
O perfil de éuscaro da Ertzaintza será máis esixente nalgúns postos
O Goberno vasco modificou o decreto que regula o proceso de normalización lingüística da Ertzaintza, que establecerá dous perfís, un deles más esixente, para os axentes que ocupen determinados postos.
Fonte: El Mundo
Un total de trinta autoescolas de Biscaia permiten prepararse para o carné en éuscaro
Trinta autoescolas de Biscaia ofrecen a posibilidade de recibir en éuscaro as clases teóricas e prácticas para examinarse do carné de conducir, segundo informou a Deputación nunha nota.
Fonte: ABC
Boletín
Subscríbase ao boletín
