España
Uns encontros organizados pola plataforma Escola Valenciana piden educación de calidade e en valenciano
Escola Valenciana organizou dúas “Trobades” en Antella (Valencia) e en Guardamar do Segura (Valencia) co obxectivo de realizar un “chamamento multitudinario” pola defensa dun ensino público, de calidade e en valenciano.
Fonte: ABC
O Consello Escolar de Baleares rexeita a libre elección da lingua de ensino no proceso de admisión nos centros públicos
O Consello Escolar de Illas Baleares rexeitou a inclusión da libre elección de lingua de ensino na convocatoria do proceso de admisión e matriculación de alumnos nos centros públicos.
Fonte: Diario de Ibiza
No último ano quintuplicáronse os espectadores de cine dobrado en catalán
Os espectadores de cine dobrado en catalán multiplicáronse por cinco en Cataluña durante o último ano debido á maior oferta nas salas catalás.
Fonte: Europa Press
Máis de 400 persoas participan nun mural humano en defensa do catalán
Máis de 400 persoas de todas as idades participaron na realización dun mural humano no que se podía ler “El catalá, llengua comuna” (O catalán, lingua común) para reivindicar o uso desta lingua como elemento de inclusión e cohesión social.
Fonte: ABC
Asociacións da Franxa piden políticas en Aragón que preserven o catalán
As asociacións culturais da Franxa reclaman que se recoñezan a lingua catalá e a lingua aragonesa na lexislación autonómica e que se aseguren as medidas necesarias para a súa conservación nas comarcas onde é lingua histórica.
Fonte: ABC
Valentín García incide na investigación e na proxección exterior da lingua na XIV Xornada de Cultura Galega en Granada
A Consellería de Cultura, Educación e Ordenación Universitaria, a través do secretario xeral de Política Lingüística, Valentín García, participou na XIV Xornada de Cultura Galega, organizada polo Centro de Estudos Galegos da Universidade de Granada e coordinada polo profesor lector de galego desta universidade, David Pérez González, que imparte docencia de lingua e cultura galegas nas facultades de Tradución e de Filosofía e Letras.
Fonte: Xunta de Galicia
Celebran en Baleares oito xornadas de lecturas continuadas durante 24 horas de textos en catalán en defensa desta lingua
A iniciativa “Enllaçats per la paraula” (Enlazados pola palabra) consistirá na celebración de oito xornadas de lecturas continuadas de textos en catalán durante 24 horas, polos oito séculos que hai que esta lingua se fala en Baleares.
Fonte: ABC
A Rioxa Arabesa fomenta o uso do éuscaro cun circuíto de actos
A Federación de Asociacións de Éuscaro, Topagunea, organizou un amplo calendario de actividades culturais na Rioxa Arabesa co obxectivo de fomentar o uso do éuscaro entre os veciños da zona.
Fonte: El Correo
Apróbase un convenio para mellorar o coñecemento de inglés dos alumnos de Murcia
O Goberno rexional de Murcia deu luz verde a un convenio entre o Ministerio de Educación, Cultura e Deporte e a Consellería de Educación, Formación e Emprego para o desenvolvemento do programa de cooperación territorial ‘Inmersión Lingüística’, cuxo obxectivo é mellorar a fluidez dos alumnos da rexión no uso da lingua inglesa.
Fonte: La Información
O Consello Consultivo das Illas Baleares aproba a libre elección de lingua de ensino na admisión de alumnos
O conselleiro de Educación, Cultura e Universidades, Rafael Bosch, anunciou que o Consello Consultivo de Baleares deu o seu visto e prace á libre elección de lingua de ensino na convocatoria do proceso de admisión e matriculación de alumnos.
Fonte: ABC
Boletín
Subscríbase ao boletín
