Google Maps tomou unha tarefa ben particular nos mapas de Barcelona: traducir ao castelán os nomes das rúas e avenidas da cidade. As orixinais están en catalán, polo que o “re-bautizo” molestou ao Concello da Cidade Condal que non entende a razón (nin a necesidade) para realizar os cambios.

Fonte: Fayerwayer

Trátase dunha tese de doutoramento redactada en asturiano e que puido facer todos os trámites desde o inicio, e por primeira vez, completamente en asturiano.

Fonte: Asturnews

O catalán creceu en número de falantes nos últimos dez anos, en que a poboación aumentou un 20 % pola chegada de inmigrantes, segundo sinala o Informe sobre a Lingua Catalunya (2010).

Fonte: La Vanguardia

A Universidade do País Vasco acolleu un recital poético que une os idiomas galego, catalán e éuscaro. “A outra poesía” é o nome desta iniciativa que promoven os centros de estudos galego e catalán da universidade para difundir as linguas propias de Galicia e de Cataluña en Euskadi.

Fonte: Xunta de Galicia

O Tribunal Supremo confirmou a anulación da orde da Generalitat valenciana pola que se establecía a impartición nesta comunidade da materia de Educación para a Cidadanía en lingua inglesa, así como a posibilidade de aprobar a materia mediante un traballo.

Fonte: La Vanguardia

A mensaxe de Nadal do rei incorpora por primeira vez na súa historia a xanela co intérprete de lingua de signos española na súa emisión por televisión, segundo informa o Centro de Normalización Lingüística da Lingua de Signos Española.

Fonte: El Mundo

Coa publicación do Decreto 231/2011, de 8 de novembro, sobre a comunicación audiovisual do País Vasco consolídase a presenza do éuscaro nos medios de comunicación social.

Fonte: Audiovisual Legal

O grupo parlamentario Compromís presentou unha proposición non de lei nas Cortes na que piden que o valenciano sexa recoñecido como lingua oficial da Unión Europea e aceptado polos Estados membros.

Fonte: La Vanguardia

Os Gobernos de Euskadi e Navarra están analizando a sinatura dun convenio para colaborar no fomento do éuscaro que inclúa, entre outras disposicións, a equiparación dos títulos de éuscaro que expiden ambas as administracións.

Fonte: El País

O interese dos pais por que os seus fillos aprendan inglés vai en aumento. E cada vez son máis as familias que optan por modelos lingüísticos de inmersión nesta lingua. De feito, nos últimos catro cursos, desde que se puxeron en marcha os programas plurilingües do Goberno de Navarra, o número de escolares matriculados creceu un 24 %.

Fonte: Diario de Navarra