Os lectorados e centros de estudos galegos cos que conta a Secretaría Xeral de Política Lingüística en universidades de todo o mundo realizan numerosas actividades durante o curso académico para dar a coñecer fóra de Galicia a lingua, a literatura e a cultura galegas.

Fonte: Xunta de Galicia

A Fundación Círculo Balear aplaudiu a decisión de IB3 de incluír as dúas linguas oficiais de Baleares (español e catalán) na programación da televisión autonómica.

Fonte: ABC

O Goberno vasco asinou un convenio de colaboración co Centro Cultural-Euskal Etxea de Barcelona polo que concederá unha subvención de 22 000 euros ao centro para asegurar o ensino e a aprendizaxe do éuscaro na cidade catalá.

Fonte: Telecinco

Unha vez máis, os dereitos dos falantes de asturiano vense golpeados nunhas eleccións. A Xunta Electoral provincial nega o uso das papeletas redactadas en asturiano impresas pola formación Andecha Astur.

Fonte: Asturnews

Mellor formación para o persoal docente e un cambio normativo que permita esixir ao profesorado a capacitación para impartir clases nun idioma estranxeiro. Son dúas das medidas que a Consellería de Educación considera fundamentais para desenvolver o novo modelo de ensino trilingüe na Comunidade Valenciana.

Fonte: Las Provincias

A Oficina de Normalización Lingüística do Concello de Llaviana convocou o seu primeiro concurso de elaboración de postais de Nadal en lingua asturiana, dirixido aos alumnos dos centros de educación primaria do concello.

Fonte: 20 minutos

A Consellería de Educación e Cultura seguirá potenciando o ensino e a aprendizaxe da lingua portuguesa como elemento de definición da educación en Estremadura.

Fonte: Extremadura al Día

Mediante a tarxeta Ikasle Txartela, calquera alumno dos euskaltegis ou da Escola Oficial de Idiomas de Irún disporá de vantaxes económicas en actividades e actos nese idioma que programe o Concello e beneficiarase de descontos en subscricións a publicacións en éuscaro.

Fonte: Diario Vasco

Persoas xordas procedentes de toda Andalucía reuniranse ás portas do Parlamento de Andalucía para celebrar a lei que recoñecerá a lingua de signos na comunidade autónoma e colocará os dereitos das persoas xordas na vangarda de todo o estado.

Fonte: Diario Signo

A Consellería de Cultura, Turismo e Deporte puxo ao alcance de todos os cidadáns un novo servizo que permite a consulta en liña dos dicionarios da Subdirección Xeral de Política Lingüística da Dirección Xeral de Patrimonio Cultural.

Fonte: El Económico