España
Salamanca promoverá o ensino do español en Londres
A marca “Salamanca Cidade do Español” volverá estar presente na edición 2011 da principal feira do turismo idiomático, a London Language Show, que terá lugar do 21 ao 23 de outubro en Kensington.
Fonte: Europa Press
A Fundación da Confederación Estatal de Persoas Xordas elaborou unha guía para comunicarse cos bebés
Unha guía da Fundación da Confederación Estatal de Persoas Xordas (CNSE) explica como os adultos, especialmente os pais, poden ensinar os bebés preto de 200 xestos sinxelos da lingua de signos española para facilitar a comunicación antes de aprenderen a falar.
Fonte: Diario de Navarra
Galicia e Castela e León impulsan o programa de ensino en galego nos centros educativos do Bierzo e de Sanabria
O secretario xeral de Política Lingüística, Anxo Lorenzo, asistiu en Valladolid á reunión da comisión mixta de seguimento do Programa de Ensino en Galego no Bierzo e en Sanabria, na que se valorou a implantación desta iniciativa nos centros educativos destas dúas comarcas de Castela e León, situadas nos territorios limítrofes con Galicia.
Fonte: Xunta de Galicia
Crean un sistema para aprender éuscaro básico a través do teléfono móbil
A Fundación Elhuyar elaborou un sistema para aprender éuscaro básico a través do teléfono móbil. Traduce palabras e frases do castelán ao éuscaro e está dirixido aos adultos que acoden ao País Vasco e queren ter unha conversa elemental cos vascoparlantes. A aplicación poderase descargar gratis desde o enderezo de internet moblang.eu.
Fonte: Diario Vasco
Miles de persoas dan o seu apoio un ano máis ao éuscaro no Nafarroa Oinez, a festa das ikastolas de Navarra
Tafalla reuniu a miles de persoas no Nafarroa Oinez para dar un ano máis o seu apoio ao éuscaro na festa das ikastolas privadas.
Fonte: Diario Vasco
Aumentan un 23 % as queixas relacionadas cos dereitos lingüísticos no País Vasco
Un total de 261 queixas motivadas pola percepción de que os seus dereitos lingüísticos estaban sendo vulnerados presentaron en 2010 os cidadáns vascos ante Elebide, o Servizo de Garantía dos Dereitos Lingüísticos do Goberno vasco.
Fonte: Diario Vasco
A Universidade Politécnica de Madrid presenta o primeiro dicionario español de informática para xordos signantes
Un equipo de investigadores da Universidade Politécnica de Madrid presentou o primeiro dicionario de informática español co obxectivo de converterse nunha axuda para a inclusión das persoas xordas e xordo-cegas que realicen estudos de enxeñerías ou desexen consultar unha ferramenta técnica.
Fonte: Europa Press
As multas lingüísticas en Barcelona durante os seis primeiros meses do ano alcanzaron a cifra de 39 400 euros
Nos seis primeiros meses deste ano, a Consellería de Empresa e Emprego iniciou 502 requirimentos sancionadores por “vulneración dos dereitos lingüísticos” unicamente na cidade de Barcelona. Destes, 53 acabaron en sanción, por un importe total de 39 400 euros.
Fonte: La Voz de Barcelona
Mapfre abre unha nova canle para atender mediante cámara web en lingua de signos as persoas xordas e con discapacidade auditiva
Mapfre desenvolveu unha nova canle de comunicación para poder atender mediante unha cámara web en lingua de signos as persoas xordas e con discapacidade auditiva.
Fonte: Europa Press
A Fundación Vinjoy edita un DVD con temas en lingua de signos
Os alumnos da Fundación Vinjoy, coa colaboración da Universidade de Oviedo, editaron un DVD musical en lingua de signos. Cancións para ver, nas que se mesturan a interpretación teatral coas letras signadas por estudantes.
Fonte: El Comercio
Boletín
Subscríbase ao boletín
