España
A Real Academia Española carga contra as guías sobre linguaxe non sexista
O pleno da Real Academia Española da lingua aprobou un informe do académico Ignacio Bosque no que se critican as directrices contidas en nove guías sobre linguaxe non sexista elaboradas por comunidades autónomas, sindicatos e universidades, porque, se se aplicase estritamente o que din, “non se podería falar”.
Fonte: Levante-emv
Iniciativa polo Asturiano pide aos partidos políticos que usen o asturiano na campaña electoral
Iniciativa polo Asturiano fixo chegar a todas as formacións políticas que se presenten ás eleccións ao Principado unha carta na que se lles solicita o uso do bable na campaña electoral, de cara aos comicios autonómicos do 25 de marzo.
Fonte: La Voz de Asturias
Publican un atlas lingüístico de comarcas zamoranas
O Instituto de Estudos Zamoranos Florián de Ocampo, xunto coa Deputación de Zamora e Caja España-Duero, acaba de publicar o Atlas lingüístico da Sanabria Interior e de La Carballeda-La Requejada (comarcas zamoranas), baseado no caderno do traballo de campo que o filólogo alemán Fritz Krüger realizou durante a súa viaxe por Sanabria no ano 1921-1922.
Fonte: Qué!
O Goberno Vasco outorgará 34 licenzas de radio, 11 delas en éuscaro
O Goberno Vasco outorgará mediante concurso público 34 licenzas de radio de FM, das que 11 estarán reservadas para emisoras con programación integramente en éuscaro.
Fonte: Finanzas
Os partidos cataláns e a sociedade civil de Cataluña manifestan o seu apoio á inmersión lingüística
Os partidos políticos cataláns –salvo o PP- e membros da Plataforma Somescola.cat –con representantes da sociedade civil- manifestaron o seu apoio á inmersión lingüística nas escolas catalás.
Fonte: La Información
O asturiano estará presente nun congreso en Portugal
Segundo informou a organización, a conferencia centrarase en repasar os riscos da globalización e as posibilidades que as novas tecnoloxías abriron para a lingua asturiana.
Fonte: La Voz de Asturias
O Tribunal Superior de Xustiza de Cataluña delibera se hai que incluír o español como lingua vehicular nos colexios
O Tribunal Superior de Xustiza de Cataluña (TSXC) empezou a deliberar sobre se as escolas catalás deben incluír o castelán como lingua vehicular xunto co catalán.
Fonte: El Periódico
As escolas de Cataluña manterán o catalán como lingua vehicular do ensino
As escolas de Cataluña manterán o catalán como lingua vehicular do ensino. O Tribunal Superior de Xustiza de Cataluña salvou o modelo de inmersión lingüística excepto para casos particulares que pidan educación en castelán.
Fonte: Diario Siglo XXI
Guipúscoa, cun 50 % de poboación bilingüe, é o territorio onde máis se usa o éuscaro
O 32 % dos vascos maiores de 16 anos é bilingüe, mentres que o 17,2 % é bilingüe pasivo, é dicir, entende o éuscaro pero por un ou outro motivo non o utiliza; unhas porcentaxes que en Guipúscoa chegan ao 49,9 % e 16,4 % respectivamente.
Fonte: Noticias de Gipúzkoa
A Obra Cultural Balear insta a saír á rúa en favor da lingua catalá
Co lema “sí, a la nostra llengua” (si, á nosa lingua), a Obra Cultural Balear e o Consello da Sociedade Civil convocaron unha manifestación a favor do catalán.
Fonte: Diario de Mallorca
Boletín
Subscríbase ao boletín
